De Vorsterman Bijbel

§ Dat .iij. Capittel.

1

⁺ENde weet dit, ⁺ dat in die laetste daghen sullender periculose tijden aenstaen.

+ A

+ i.Tim. 4.a 2.Pet. 2.a. ende .i.f.

2

Want daer sullen menschen wesen hem seluen lief hebbende: gierich, hoochmoedich, houerdich qualic sprekende, den ouderen ongehoorsaem, ondancbaer, boosch,

3

sonder bewegentheyt, sonder vrede, beschuldigers, onmatich, niet sachtmoedich,

4

verraders, wederspannich, opgheblasen, lief hebbers der wellusten meer dan God,

5

⁺Die hebben een ghedaente des goddiensticheyts, maer zijn cracht hebben si versaect.

+ B

6

Ende schout aldusdanigen,

[p. M7v]

want wt dese zijnt, die daer gaen tot die huysgesinnen, ende den vroukens die met sonden beladen zijn, geuangen leydende, welcke door menigerley begeerten geleyt worden,

7

altijt leerende, ende nemmermeer totter kennissen des waerheyts comende.

8

⁺Ende ghelijck Iamnes ende Mambres wederstonden Moysi, ⁺ also vederstaen dese ooc die waerheyt, menschen gecorrumpeert int verstant, verworpen van den gheloue:

+ C

+ Exo. vij.f.

9

maer si en sullen nyet meer vorderen die, onuerstandicheyt van desen sal alle menschen openbaer worden, gelijckent ooc van dye ander geweest is.

10

Maer ghy hebt mijn leeringe geuolcht, insettinge, opset, gheloof, langmoedicheyt, liefde verduldicheyt,

11

veruolginge, tribulacien, welcke my ghebuert zijn tot Antiochia: Iconien, Lystris, welcke veruolghinge ick verdragen hebbe. Ende die heere heeft my wt allen verlost.

12

Ende alle die ghene die godvruchtich willen leuen in Christo Iesu, sullen veruolginge liden.

13

Voort quade menschen ende verleyders, sullen vorderen tot een arghere, tot dwalinghe brenghende, ende derselue dwalende.

14

⁺Blijft ghi int gheen: dat ghy geleert hebt ende v betrout is, wetende van wien dat ghijt gheleert hebt

+ D

15

ende dat ghy van kints af die heylighe scriften geweten hebt, dewelcke mogen v gheleert maken totter salicheyt, door tghelooue twelck is in Christo Ihesu.

16

Alle scriftuer van God in gegeuen, ⁺ is nut tot leeringhe, tot straffinghe, tot beteringhe, tot onderwisinghe, in dye rechtueerdicheyt,

+ i.Petri. i.b.

17

op dat dye mensch gods perfect si, tot alle goede werck gheleert.