De Vorsterman Bijbel

§ Dat .iiij. Capittel.

1

⁺DIe geest seyt openbaer, dat inden laetsten tijden sullen somige van tgheloof gaen, ⁺ aenhangende den bedriegende geesten ende leeringe der duuelen,

+ A

+ i.Tim. 3.a. i.Pet. 3.a. Iud. i.f.

2

die door beueynstheyt logen spreken, een besmette conscientie hebbende,

3

verbiedende te houwen, gebiedende te abstineren van spijsen, welcke god geschapen heeft den geloouigen, om met dancbaerheyt te ontfangen, ende den ghenen die de waerheyt bekent hebben,

4

want alle creatuer gods goet is, ende niet en is te vewerpen dat met dancbaerheyt ontfangen wert,

5

want het woort geheylicht door twoort gods ende tghebet.

6

⁺Ist dat ghy dyt den broeders vermaent, so sult ghy een goede dienaer Iesu Christi wesen, opgeuoedt inde woorden des gheloofs, ende goede leerings, welck ghy tot noch toe gheuolcht hebt.

+ B

7

Voort, ongeestelike ende oude wijfsche fabulen schout.

8

⁺Oeffent v seluen lieuer tot goddienstachticheyt, want die lichamelike oeffeninghe is tot weynich profitich, de goddiensticheyt is tot alle dinck profitich, hebbende die beloftenisse des tegenwoordigen ende toecomenden leuens.

+ C

9

Tis een getrou woort, ende alle ontfanclicheyt waerdich.

10

Want daer om arbeyden wi ende werden bespot: dat wy hopen inden leuenden god, welcke is een salichmaker alder menschen, aldermeest der gelouigen.

11

Ghebiet ende leert dit,

12

nyemant en versmade v ioncheyt, mer weest een exemplaer der gelouighen, int woort, int conuerseren: inde liefte, int geloof in puerheyt.

13

⁺Weest naerstich int lesen, vermaninge, leeringhe, tot dat ick come.

+ D

14

En vergeet niet dye ghaue dye in v is, welck v door prophecie ghegeuen is met dye oplegghinghe der handen des priesters.

15

Denct dyt, weest hierin, op dat uwe voortghanck alle openbaer si.

16

Aenmerct v seluen ende dye leeringhe, ende weest hier volherdich in, dat doende sult ghy v seluen salich maken ende den ghenen dye v hooren.