De Vorsterman Bijbel

§ Dat .iij. Capittel.

1

⁺TIs een getrou woort, ⁺ ist dat yemant een bisdom begeert, dye begeert een goet werck,

+ A

+ Titum. i.b.

2

want een bisscop moet onstraffelick wesen, eens wijfs man, sober, manierlick, wijs, reyn, gastlieflic, bequaem om te leeren

3

gheen wijnsuyper, gheen smijter, mer stichtich, gheen kijuer, niet ghierich,

4

die zijn huys wel regeert, die kinderen heeft in onderdanicheyt, met alle eerbaerheyt.

5

Ist dat yemant zijn huys nyet wel regheeren en can, hoe sal hy die kercke gods besorghen?

6

Niet nieu int geloef, op dat hy door opgeblasenheyt niet en valt int oordeel des duuels.

7

Ende hy moet ooc een getuychnis hebben van dye buyten zijn, op dat hy nyet en valt in die schande ende strick des duuels.

8

⁺Des gelijcs, die Dyaconen moeten zijn reyn nyet tweetonghich, niet gheneycht tot veel wijns, nyet ghierich nae schandelike winsel

+ B

9

houdende den dienst des geloofs, met een puere conscientie.

10

Ende laet dese eerst beproeft worden, ende laet si dan alsoe dienen gheen sonde hebbende.

11

⁺Des selue gelijcs, die vrouwen moeten zijn reyn, niet achterclappende, sober, getrou in allen dingen.

+ C

12

Die Diaconen wesen eens wijfs mannen, die haer kinderen wel regeeren ende haer huysgesin,

13

want die wel dienen, vercrijgen haer seluen een goede graet, ende veel trouheyts int geloof, dwelc is in Christo Iesu.

14

⁺Dyt schriue ick v soon Tymothee, hopende dat ick gheringe tot v comen sal.

+ D

15

Ende ist dat ick vertoeue, op dat ghy weten moecht: hoe datmen int huys Gods verkeren moet twelcke is die kercke des leuenden gods, een columne ende vasticheyt des waerheyts.

16

Ende sonder twifel tis een grote verborgentheyt [kolom] des goduruchticheyts, dwelck is gheopenbaert int vleesch, gherechtueerdicht inden gheest, den Enghelen ghesien, den Heydenen ghepredict, inde werelt ghelooft, ende is ghenomen in glorie.