De Vorsterman Bijbel

§ Dat .ij. Capittel.

1

⁺ALdus vermaen ic, dat voor alle dingen geschien verbiddinghen, biddinghen, ende smeekingen, dancbaerheden, voor alle menschen,

+ A

2

voor coninghen, ende alle die in hoocheyt gestelt zijn, op dat wi een lieflick ende rustich leuen leyden mogen, met alle goduruchticheyt, ende eerlicheyt.

3

Want dat is goet ende aengenaem voor god onsen salichmaker,

4

welcke wil dat alle menschen salich worden, ende tot die kennisse des warachticheyts comen.

5

⁺Want daer is een God ende een middelaer Gods ende der menschen, de mensch Christus Ihesus,

+ B

6

welcke hem seluen ghegeuen heeft een verlossinge voor allen, wiens getuychnis op zijn tijt vast gemaect is:

7

in welcker ick gesedt ben een vercondigher ende Apostel. Ick seg die waerheyt, ick en lieghe niet een leeraer der Heydenen int ghelooue en de waerheyt. *

8

⁺Aldus wil ick dat dye mannen bidden in alle plaetsen, op buerende suyuer handen,

+ C

[p. M5v]

sonder toornicheyt ende twistinghe.

9

Des ghelijcs die vrouwen in eerlicke cleedinge, met schamelheyt ende maticheyt haer seluen vercierende, nyet in geulochten hare: oft gout oft perlen ende costelike cleedinge,

10

maer dat dye vrouwen betaemt: die gods dienst openbaerlick bekennen doer goede wercken.

11

Die vrouwe leere in stilheit met alle onderdanicheit

12

⁺Ic en laet niet toe dat een vrouwe onderwijst noch dat si macht hebbe in die manne, ⁺ mer in stilheyt te wesen.

+ D

+ i.Cor. xiiij Genesis. ij

13

Want Adam is eerst gemaect, daer nae Eua,

14

ende Adam en is nyet verleyt geweest, mer die vrouwe is verleit doer ouertredinge,

15

mer si sal behouden werden door kinderen voort te brenghen, ist dat si blijft int gheloof, ende liefte, ende heylichmakinge, met soberheyt.