De Vorsterman Bijbel

§ Dat .iij. Capittel

1

⁺UOort aen broeders, bidt voor ons dattet woort gods loopen mach, ende gheglorificeert wort, ghelikent oock by v,

+ A

2

ende op dat wi verlost moghen worden vanden onghetidigen ende quade menschen. Want alle man en heeftet ghelooue niet.

3

Dye heere is ghetrou, die v vestighen sal ende bewaren van quaet.

4

Ende wi hebben betrout broeders door den heere van v, dat ghi ooc doet ende doen sult tghene dat wi geboden hebben.

5

Voort die Heere moet uwe herten stueren in die liefte Gods, ende verwachtinge Christi. *

6

⁺+ Ende wi ghebieden v broeders door den naem ons Heeren Iesu Christi, dat ghi v ontrect van alle broeder die ongheschictelick wandelt, ende niet na dye insettinghe dye si van ons ontfanghen hebben.

+ B

7

Want ghy selue weet hoe datmen ons moet nae volghen. ⁺ want wi ons niet onrustelic onder v ghedraghen hebben, ⁺

+ i.Tessa. ij.

+ Actuum. xx.

8

noch te vergheefs tbroot van nyemandt gheten en hebben. Maer met arbeyt ende moedicheyt, nacht ende dach werckende, daer om op dat wy niemandt van v beswaren en souden.

9

Niet dat wy gheen macht ghehadt en hebben, maer op dat wi ons seluen v tot een exempel souden setten, om ons na te volghen.

10

Want doen wi bi v waren, gheboden wy v dit, ⁺ <ist datter yemant niet wercken en wil, dat dye niet eten en soude.

+ C

11

Want wi hebben gehoort, dat sommige onrustelic onder v wandelende zijn, gheen werck doende, maer curioselic leuende.

12

Ende den ghenen die aldusdanich zijn ghebieden wi ende bidden door onsen Heere Iesum Christum dat si met rust werckende, ⁺ haers selfs broot eten.

+ Gala. vi.

13

Ende ghi broeders en wilt niet gebreken goet te doen. *

14

⁺Ende ist dat yemant ons woort nyet gehoorsaem en is, dyen beteykent met eenen brieue, ende en hebt niet met hem te doene [kolom] op dat hi beschaemt worde.

+ D

15

Ende en houdt hem niet als een vyande, maer vermaent hem als een broeder.

16

Ende dye Heere des vreden selue gheue v den eewighen vrede in allen plaetsen. Die Heere si met v allen

17

Mijn groete met Paulus handt dwelck in alle brief dat teeken is, schriue ick aldus.

18

Dye gracie ons Heeren Iesu Christi si met v allen. *

§ Ghescreuen ende ghesonden wt Athenen.

Hier nae volcht dye eerste Epistel die sinte Pauwels ghesonden heeft tot sinen lieuen discipel Tymotheum.