De Vorsterman Bijbel

§ Dat .ij. Capittel.

1

⁺+ ENde wi bidden v broeders door die toecoemst ons heeren Iesu Christi, ende onse versamelinghe in hem,

+ A

2

dat ghi niet haestelic ghemoueert en wort van v verstant noch verstoort en wort, noch door den geest, noch doort woort, noch door eenen brief, als van ons gesonden, als oft den dach des heren aen stonde.

3

Niemant en verley v in eenighe manieren, ⁺ wandt dye Heere en sal niet en toecomen, ten si datter eerst eenen af val come, ende dat die mensche des sondes geopenbaert wordt die soon des verderuings,

+ Mat. xiij. Mar. xiij. Luc. xxi.b. Ephe. v.b

4

dye daer is teghenpartijer, ende wort verheuen tegen al dat ghene dat god, ofte gods dienst genoemt wort, also dat hy sitte inden tempel gods, als ofte hi god waer.

5

⁺En gedenct ghi niet, dat doen ic noch by v was, ic dit seyde?

+ B

6

ende nv wantet ophout weet ghi, op dat hy geopenbaert wort in zijn tijt,

7

want hi nv werct verborgentheit des boosheyts, alleen die nv houwe dye houde tot dat hi vant middel ghenomen wert

8

En dan sal geopenbaert worden die boose, welcke die heere Iesus sal dooden metten geest zijns monts, ende sal te niet maken door die claerheyt zijns toecoemsts. *

9

⁺Hem, wiens toecoemst is na die werckinge van Satanas met alle macht ende teekenen ende valsce wonderlicheden,

+ C

10

ende met alle bedriechlicheden des boosheyts, inden ghenen die vergaen daer om datse dye liefte des warachticheyts nyet ontfanghen en hebben, daer toe dat si salich souden worden.

11

Ende daer om sal God haer seynden een werckinghe der dwalinghen, dat si dye loghen gheloouen, op dat si alle gheoordeelt worden,

12

dye dye waerheyt nyet ghelooft en hebben, maer hebben gheconsenteert der boosheyt.

13

Maer wi zijn schuldich God te dancken altijt van v broeders vanden heer bemint, ⁺ <dat v god wtuercoren heeft vant beghinsel tot salicheyt, door die heylichmakinge des gheests, ende gheloofs tot warachticheyt,

+ D

[p. M4v]

14

tot welcken hi v gheroepen heeft door ons Euangelie, tot een vercrighinghe der glorien ons heeren Iesu Christi.

15

+ Aldus broeders, staet, hout die insettinghe dye ghy gheleert hebt, het si door twoort, oft door onsen brief.

16

Ende die selue onse heere Iesus Christus, ende God, ende onse vader, die ons lief ghehadt heeft, ende eewighe troost ghegheuen heeft ende goede hope door gracie,

17

dye moet uwe herten vertroosten, ende v beuestighen in alle wercken ende goede woorden.