De Vorsterman Bijbel

[p. M4r]

[afbeelding]

§ Hier beghint den anderen brief die sinte Pauwels ghesonden heeft tot die van Tessalonia.

§ Dat .i. Capittel.

1

⁺PAulus ende Siluanus ende Timotheus. ⁺

Den kercken tot Thessalonien, in God onsen vader ende den Heere Iesu Christo.

+ A

+ i.Corin. i. Ephe. i. i.petri. i. i.Tessa. i.

2

Gracie si v ende vrede van god onsen vader, ende den here Iesu Christo.

3

Wi zijn sculdich god te dancken altijt van v broeders, alst recht is, want v ghelooue vermeert wort, ende v alder caritate oueruloedich wort onder malcander,

4

⁺alsoo dat wy selue van v glorieren in dye kercke Gods, van v verduldicheyt ende gelooue in alle uwe veruolghinghe ende tribulatie, die ghi verdraecht

+ B

5

in een exempel des rechtueerdighen ordeel gods. Daer om dat ghi waerdich gehouden wort trijck gods voor welcke ghi oock lijdt,

6

ist nochtans by god recht, liden weder te geuen den ghenen dye v quellen,

7

⁺ende v die ghequelt wort verlichtenis met ons inder openbaringe des heeren Iesu vanden hemel, met die enghelen zijns mogentheyts

+ C

8

in die vlamme des viers welcke wraec doen sal den ghenen dye god niet ghekent en hebben, ende niet ghehoorsaem en zijn den Euangelie ons heeren Iesu Christi

9

Welcke ghelden sullen pijn, die eewige verdoemenis vant aenschijn des heeren, ende van die glorie zijns stercheyts,

10

als hi comen sal om gheglorificeert te worden in zijn heyligen, ende wonderlic te worden in alle geloo-[kolom]uigen, dat ghi onse getuychnis geloof gegeuen hebt in dien dach.

11

⁺Waer om dat wi ooc altijt voor v bidden, ⁺ op dat onse God v weerdich houden mach deser roepinge, ende dat hi veruulle al den wil zijns goetheyts, ende werc des geloofs in macht

+ D

+ Colo. i. i.Tessa. i.

12

op dat die naem ons Heeren Ihesu Christi geclarificeert mach worden in v, ende ghi in hem na dye gracie ons Gods, ende des Heeren Iesu Christi.