De Vorsterman Bijbel

§ Dat .v. Capittel.

1

⁺UAn dien tijden ende puncten der tijden broeders en behoefde ghy nyet, ⁺ dat wy v scriuen

+ A

+ i.Petri. iij Apo. iij.a.

2

want ghi selue weet, dat dien dach des heeren comen sal, als een dief inder nacht.

3

Als si segghen sullen, het is vrede, ende al sonder sorghe, dan sal haer ouercomen een haestelike doot, ghelijck die pine eender vrouwen die beurucht is, ende en sullen niet ontgaen.

4

Maer ghy broeders en zijt niet in duysternissen: op dat v dien dach als een dief beuangt.

5

+ Ghy zijt kinderen des lichts ende kinderen des daechs, Wy en zijn nyet des nachts noch des duysternissen.

6

⁺Daer om laet ons niet slapen, ghelijken oock ander, maer laet ons waken ende sober zijn, ⁺

+ B

+ Esa. lvi.d. Ephe. vi a

7

want dye slapen, slapen in dye nacht, ende dye droncken zijn, zijn snachts droncken.

8

Maer wy dye vanden dach zijn, laet ons sober wesen, aengedaen hebbende dat pansiser des gheloofs ende der liefden, ende voor eenen helm, dien hoop des salicheyts

9

Want God en heeft ons nyet ghestelt tot toornicheyt, maer tot een vercrigen des salicheyts door onsen Here Iesum Christum

10

dye voor ons ghestoruen is, op dat wy waken ofte slapen, te samen met hem leuen.

11

Daer omme vertroost malcanderen, ende stichticht dye een den anderen, gheliken ghy oock doet. *

12

Ende wi bidden v broeders, dat ghi haer kent die onder v arbeyden, ende v ouerste zijn inden heere ende v vermanen,

13

⁺dat ghy haer hebt oueruloediger in liefde om haer werc ende hebt vrede met haer.

+ C

14

+ Ende wy bidden v broeders, straft dye onrustighe, vertroost die cleynmoedighe, [kolom] ontfanct dye crancke, weest verdraghende tot allen.

15

Siet dat niemant quaet voor quaet yemant en gheeft, maer volcht altijt dat goet is, ende tot malcanderen, ende tot allen.

16

Sijt altijt vrolick.

17

Bidt sonder ophouden,

18

danct in allen dinghen, want dat is dye wille Gods door Christum Ihesum by v allen.

19

⁺En doet die gheest niet wt,

+ D

20

en versmaet die prophecien niet. ⁺

+ Lu. xviij.a

21

Proeft alle dinck, hout dat goet is.

22

Wacht v voor alle quade schijn

23

Ende god des vredes selue moet v heylich maken, op dat v oprechte gheest ende siel, ende lichaem behouden moet worden, also dat ghi in gheen dinck beschuldicht en moet worden, in dye toecoemst ons Heeren Iesu Christi. *

24

Hi is ghetrou die v gheroepen heeft, ⁺ diet oock doen sal.

+ i.Corin. i

25

Broeders, biddet voor ons.

26

Groetet al dye broeders met een heylighe cusse.

27

Ick besweer v door den heer, dat dese brief ghelesen worde alle den heylighen broederen.

28

Die gracie ons heren Iesu Christi si met v allen Amen.

§ Ghescreuen te Athenen.

§ Hier na volcht dye tweede Epistel die de Apostel Sinte Pauwels gescreuen heeft tot dye van Tessalonien.