De Vorsterman Bijbel

§ Dat .iiij. Capittel.

1

⁺+ UOort aen broeders bidden wy v, ende vermanen door onsen heere Ihesum ghelijckerwijs ghy van ons ontfanghen hebt, hoe dat ghi wandelen moet ende god behagen, also wandelt, op dat ghi meer oueruloedelijcker zijt.⁺

+ A

+ Rom. xij.a Ephe. v.b

2

Want ghi weet wat gheboden wi v ghegheuen hebben door onsen heere Iesum.

3

Want dit is die wille Gods, v heylichmakinghe, dat ghi op houdt van ghemeyn oncuysheyt,

4

⁺ende dat een yeghelic weet zijn vat te besitten met heylichmakinghe, ende eere,

+ B

5

niet met lust des begeerlicheyts, ghelijc als die heydenen, die God niet ghekent en hebben.

6

Ende dat niemant en ouerualle noch en verdrucke sinen broeder in die hanteringhe. Want God een wreker is van alle dese, als wi ooc te voren geseyt ende ghetuycht hebben.

7

Want God en heeft ons niet gheroepen in onreynicheyt, maer tot heylichmakinghe. *

8

⁺Daer omme die dese dinghen versmaet en versmadet niet den mensche, ⁺ maer God welcke oock sinen heylighen gheest in ons ghegheuen heeft.

+ C

+ Ioan. xvi.c i.Ioan. iiij.

9

Van die broederlike liefte en heb ic niet van noode v te scriuen, want ghi selue van Gode gheleert hebt, dat ghy malcanderen lief hebben sult,

10

want ghi oock dat doet tot allen broederen die in geheel Macedonien zijn. Ende wi bidden v broeders, dat ghi meer oueruloedigher zijt, ende dat ghy daer in naerstich zijt,

11

dat ghi rustich zijt, ende v eygen dinghen doet ende werct met v handen als wi gheboden hebben,

12

op dat ghi eerlijcken conuerseert tot die ghene die buyten zijn ende gheens dincs en begheert.

13

⁺+ Voort, soo wil ick dat ghi weet broeders van die ghene dye daer slapen, op dat ghy niet droeuich en zijt, ghelijcken oock ander, die gheen hope en hebben:

+ D

14

want ist dat wy

[p. M3v]

ghelouen dat Iesus ghestoruen is, ende verresen is, alsoo sal oock God dye ghene dye gheslapen hebben door Iesum hem brenghen.

15

Want dat seggen wy v int woort des Heeren, dat wy dye daer leuen ende ouerbliuen inde toecoemst des Heeren, gheen sins haer voorcomen en sullen dye daer gheslapen hebben.

16

Want dye heer selue in een ghebot ende stemme des archangels, ende met dye basuyn gods vanden hemel comen sal, ende dye dooden in Christo sullen eerst verrisen,

17

daer na wy, wecke dye leuen, dye ouer ghelaten worden, sullen met haer ghenomen worden inde wolcken, den Heere te ghemoet inde lucht, ende also sullen wy altijt metten Heere wesen.

18

Aldus, vertroost malcanderen in dese woorden.