De Vorsterman Bijbel

§ Dat .iij. Capittel.

1

⁺DAer omme, als wijt niet meer en verdroeghen, heeftet ons goet ghedocht dat wi tot Athenen alleen bliuende,

+ A

2

souden seynden Tymotheum onsen broeder ende dienaer Gods int Euangelie Christi, om dat hi v vestighen soude, ende vermanen van v ghelooue,

3

dat nyemant beroert en soude worden in dese tribulatie. Want ghy wetet selue, dat wi daer toe ghesedt zijn.

4

Als wi bi v waren, voorseyden wy v dattet geschien soude, dat wi tribulatien liden souden, gheliken alst ooc ghebuert is, ende ghy wetet.

5

⁺Waer omme ick niet langher verdraghende, hebbe hem ghesonden daer toe, dat ick v gheloof kennen soude, bi auontuer oft hy v tempteerde, die tempteert, ende onsen arbeyt te vergeefs soude wesen.

+ B

6

Mer nv, als Tymotheus tot ons van v gecomen was, ende ons vercondicht hadde v ghelooue ende liefde, ende dat ghy altijt een goede ghehoochnisse van ons hebt, begheerende ons te sien, ghelijckerwijs als wy oock v.

7

Daer omme broeders, hebben wi vertroostinghe ontfanghen in v, in alle onse tribulatie ende nootdrufticheyt door v ghelooue.

8

Want wy nv leuen ist dat ghy inden heere staet.

9

Wat danck wy god weder om doen moghen van v, in alle die blischap daer wi me-[kolom]de verblijdt zijn van v, voort int aenschijn ons gods

10

doen wy nacht ende dach bouen maten biddende, op dat wi v aenschijn sien moghen, ende veruullen dat v ghelooue ghebreect.

11

Ende god selue ende onse vader, ende onsen heere Iesus Christus moet onsen wech schicken tot v.

12

Ende God vermenichfuldighe v, ende doe v liefde tot malcanderen oueruloeyen, ende tot allen, ghelijcken ons oock tot v,

13

op dat hy v herten vesticht, onstraflijck in dye heylicheyt voor God ende onsen vader, in die toecoemst ons heeren Iesu Christi, met alle zijn heyligen Amen.