De Vorsterman Bijbel

§ Dat .iij. Capittel.

1

⁺+ ALdus, is dat ghi met Christo verresen zijt, suect dat bouen is, daer Christus aen die rechter hant Gods sittende is,

+ A

2

smaect tgheen dat bouen is, ende niet dat opter aerden,

3

want ghi ghestoruen zijt, ende v leuen is verborghen met Christo in God,

4

so wanneer Christus gheopenbaert sal werden v leuen, dan sult ghy oock met hem openbaren inder glorien. *

5

+ Hier omme soo doodet v leden, dye op der aerden zijn, ⁺ ghemeyn oncuysheyt, onreynicheyt, lusten, quade begheerten ende ghiericheyt, welcke is eenen dienst der afgoden

+ Ephe. v.b

6

om welcker willen den thoren gods coemt op die kinderen des ongeloofs,

7

onder welcken ghi voortijts gewandelt hebt, doen ghy hier in leefde.

8

Maer legt ghi nv al dese af, toornicheyt onweerdicheyt, ⁺ quaetheyt, blasphemie, scandelike woorden wt uwen mondt. ⁺

+ B

+ Heb. xij.a.

9

En belieghet niet malcander, nae dat ghi wt getogen hebt den ouden mensch met zijn wercken, ⁺

+ i.petri. i.a Ephe. ij.c. Rom. vi.a Ephe. 4.f

10

ende ghy een nyeu mensch aenghetoghen hebt, welck vernyeuwet wordt totter kennissen Gods, ende beelde des gheens die hem gescapen heeft,

11

waer gheen man ende vrou en is waer gheen heyden en is ende Iode, besnidinghe ende onbesnidinghe, gheen Barbarus ende Scyta, gheen knecht ende vrije, mer Christus ist al in allen. * [kolom]

12

Aldus, doet v aen als wtuercoren Gods heylighen ⁺ ende beminde leden der bermherticheden, goedertierenheyt, oetmoedicheyt, sachtmoedicheyt, verduldicheyt,

+ Ephe. 6.d

13

malcanderen verdraghende, ⁺ malcanderen vergeuende: ist dat yemandt teghen den anderen een clacht heuet, ghelijck dye Heere v vergheuen heeft, alsoo ghi mede.

+ C

14

Ende bouen alle dese hebt dye liefde, welck is een bant des volmaectheyts.

15

Ende die vrede Christi verhueghe hem in uwe herten. In welcke ghy gheroepen zijt in een lichaem, ende weest dancbaer.

16

Dat woort Cristi wone in v oueruloedelic, in alle wijsheyt leerende ende vermanende malcanderen, met psalmen ende louen ende gheestelike liedekens in gracie, singende gode in uwe herten.

17

+ Ende al wat ghy doet, in woorden ende in wercken, doetet altemale inden naem des Heren Ihesu Christi danckende god ende den vader door hem.

18

⁺Ghy vrouwen, weest onderdanich uwe mannen, ⁺ alst behoort inden Here.

+ D

+ Ephe. v.c. i.Pet. iij.a

19

Ghi mannen, hebt lief uwe huysurouwen, ende en weest niet bitter teghen haer.

20

Ghy kinderen zijt v ouderen onderdanich in allen, ⁺ want dat den Heere wel behaecht.

+ Ephe. vi a i.Pet. ij.c.

21

Ghy vaders en tercht v kinderen niet tot onwaerdicheit op dat si nyet cleynmoedich en worden.

22

Ghy knechten, weest in allen ghehoorsaem den ghenen dye Heeren zijn nae den vleesche, nyet schoon voor dooghe dienende, als den menschen behaghende, maer met simpelheyt des herten den Heere vreesende.

23

Ende al wat ghi doet, dat doet wter herten, als den Heere ende niet den menschen,

24

wetende dat ghi vanden Heere ontfanghen sult dat loon des erfs. *

Dient Christo den Heere.

25

Voort die daer ongelijc doet, ⁺ die sal zijn ongelijc dragen. Want daer en is gheen aenneminge van personen bi god.

+ Roma. ij.b Ephe. vi b Actu. xix c