De Vorsterman Bijbel

§ Dat .ij. Capittel.

1

⁺IC wil dat ghi weet, watten sorchfuldicheit ic heb voor v, ende voor die gheen die tot Laodicea zijn, ende alle dye mijn aensicht niet ghesien en hebben int vleesch,

+ A

2

op dat haer herten vertroost werden, onderwesen zijnde inder liefden, ende in alle rijcdom des volheyts des verstants, in die kennisse des verborgentheyt gods, ende des vaders, ende Cristi Iesu.

3

In welcke zijn alle scatten des wijsheits ende wetentheits verborgen.

4

⁺Ende dat seg ic, op dat v nyemant en bedriege in hoocheyt der woorden, ⁺

+ B

+ i.Cor. v.

5

want al ben ick daer niet naden lichaem, nochtans ben ick inden gheest by v, verblidende ende siende v ordinancie, ende dye vasticheyt ws geloofs tot Christum.

6

Hier om, gelijc ghy aengenomen hebt den here Iesum Christum, also wandelt in hem,

7

also dat ghi in hem zijt gewortelt ende getimmert ende gheuesticht door tgheloof, ghelijck ghi gheleert zijt, oueruloedich zijnde in dat, met dancbaerheyt.

8

Siet datter nyemant en si dye v bedriege door philosophie ende ydele verleydinge, na insettinge der menschen, na dye elementen des werelts, ende niet na Christum.

9

⁺+ Want in hem woont alle volheyt des godheyts lichamelick,

+ C

10

ende ghi zijt in hem veruult welcke thooft is van allen heerscappie ende moghentheyt.

11

In welcken ghi oock besneden zijt, met die besnidenis, dye welcke sonder handen gheschiet, in afwerpinghe dat lichaem des vleyschs. Maer in die besnijdenis Christi

12

tsamen met hem begrauen zijnde doort doopsel, in welcke ghi oock met hem tsamen opghestaen zijt door tgheloof der werckinghe Gods, dye hem vanden dooden verwect heeft.

13

Ende hi heeft tsamen met hem leuendich gemaect, ⁺ als ghi doot waert door die sonden, ende door de onbesnidinge ws vleeschs, met hem vergeuende v alle uwe sonden *

+ Ephe. ij.

14

wtdoende thantscrift des insettincs dat tegen ons was ende dat heeft hi aen deen side genomen, vestigende aent cruys,

15

ende heeft den heerscappien ende machten berooft, triumpherende van haer door hem seluen. *

[p. M1v]

16

Hier omme, nyemant en ordele v in spijse oft in dranck, ⁺ oft een deel des vierdaechs oft nieuwe maents oft sabathen,

+ D

17

welcke zijn een schijn der toecomender dingen, dlichaem Christi.

18

⁺ Nyemant en verleyde v willende, door ootmoedicheyt ende gheestelicheyt der enghelen, dat gheen dat hi niet ghesien en heeft, wandelende, te vergeefs opgeblasen door dye wijsheyt zijns vleeschs,

+ Mat. 24 Mar. xiij. Luc. xxi

19

ende nyet vast houdende dat hooft, Waer wt al dat lichaem door aensettinghe ende biuoeghinghe opgerecht ende gheuesticht, opgroeyt in een wasdom gods.

20

Hier omme, is dat ghi ghestoruen zijt met Christo vande elementen des werelts, waer om onderscheyt ghi noch, als der werelt leuende?

21

En raect niet, en smaket niet, en handelt niet.

22

Dye met den ghebruyck vergaen na die gheboden ende leeringhen der menschen.

23

Ende dese hebben een reden des wijsheyts in onnutte gheestelicheyt ende ootmoedicheyt, ende niet om den lichaem te sparen niet in eenigher eeren, tot versadinghe des vleeschs.