De Vorsterman Bijbel

§ Dat .v. Capittel.

1

⁺+ ALdus, zijt Gods nauolgers, als alderliefste kinderen, ⁺

+ A

+ Ioan. xiii.d Ioan. iiij.b

2

ende wandelt in die liefde, gelijck oock Christus ons lief ghehadt heeft, ende heeft hem seluen ouer gegeuen voor ons tot een gaue, ende offerhande, God in een goede roke.

3

Voort, oncuyscheyt, ende alle onreynicheyt, ende giericheyt, en worde onder v niet genoemt, alst den heyligen betaemt,

4

oft dorperheyt, ofte sotte clappagie, oft onnutte iockerie, die niet en betamen, maer lieuer dancsegginge,

5

want wetet dat, ende verstaet, dat alle oncuysche, oft [kolom] onreyne, oft ghierige, welck is dienst der afgoden, en heeft gheen erue int rijc Christi, ende Gods.

6

⁺Nyemant en bedriege v met ydele woorden, ⁺ want hieromme coemt die toren Gods in die mistrouwende kinderen

+ B

+ Collo. iij.a

7

Aldus, en wilt haerder nyet deelachtich worden,

8

Ghi waert voortijts duysternis maer nv licht inden heere.

⁺ Wandelt als kinderen des lichts,

+ C

9

want die vrucht des lichts is in alle goetheyt, ende rechtueerdicheyt, ende warachticheyt. *

10

Proeuende wat den heere aengenaem is,

11

ende en wilt gheen gemeenschap hebben met den onuruchtbare wercken der duysternis, maer straftse lieuer.

12

Want tghene dat heymeliken van desen gheschiet, is oock leelic te seggen,

13

want ⁺ alle dingen die vanden licht gestraft worden, worden openbaer. Ende al datter geopenbaert wort, is licht,

+ Coll. iiij.a.

14

waerom, dat hi seyde, Staet op die daer slaept, Staet op vanden dooden, ende Christus sal v verlichten.

15

⁺+ Aldus, siet broeders, hoe dat ghi voorsichtelijc wandelt, niet als dwasen, maer als wijse

+ D

16

uwen tijt waer nemende, want die daghen quaet zijn.

17

Daeromme en wilt niet worden onwijs, Maer verstaende, wat die wille Gods is.

18

Ende en wilt niet droncken worden in wijn daer weeldicheit in is, ⁺ maer wort veruult vanden heylighen gheest,

+ Rom. xij.a i.Tessa iiij

19

sprekende in v seluen door Psalmen, ende lofsangen, ende gheestelike liedekens, psalmende ende singende in uwer herten den heere,

20

danckende altijt van allen dinghen God, ende den vader inden naem ons heeren Iesu Christi.

21

Onderdanich wesende, die een den anderen, ⁺ in die vreese Christi. *

+ Collo. iij.c i.Pet. iij.a.

22

Die vrouwen wesen haeren man onderdanich, als den heere,

23

want die man is thooft vander vrouwen, ⁺ gelijckerwijs Christus oock dat hooft is der kercken, ende die selue is die salichmaker haers lichaems.

+ i.corin. xij.b

24

Aldus gelijckerwijs die kercke Christo onderdanich is, also oock die vrouwen haer mannen in allen.

25

Ghi mannen hebt v huysurouwen lief, gelijc Christus die kercke lief gehadt heeft, ende hem seluen ouergegeuen heeft voor haer,

26

op dat hi haer heylich maken soude reynigende haer met die wasschinge des waters, door dwoort des leuens,

27

op dat hi haer soude maken, een gloriose kercke hem seluen, gheen vlecke hebbende, noch rimpele, noch eenige van dien, maer op dat si heylich soude wesen ende onbeulect.

[p. L6r]

28

Also sullen die mannen haer huysurouwen lief hebben, als haer eyghen lichaem. Dye zijn huysurouwe lief heeft, dye heeft hem seluen lief,

29

want niemant en heeft oyt zijns selfs vleesch gehaedt, maer hi voetet ende hauentet, ghelijcken Christus oock die kercken,

30

Want wy zijn leden des seluen lichaems, wt sinen vleesche, ende sinen gebeenten.

31

Hier omme, om dese sake sal dye mensche, ⁺ vader ende moeder laten, ende sal zijn huysurouwe aenhanghen, ende twee sullen wesen in een vleesch,

+ iij.Esd. iiij Gene. ij.d mat. xix.a

32

⁺dat is een groote verborghentheyt, maer ick spreke van Christo, ende van die kercke.

+ G

33

Alsoo een yeghelic hebbe zijn huysurouwe lief, als hem seluen, ende dye huysurouwe sal den man ontsien.