Logo DBNL
De Vorsterman Bijbel (ca. 1528-1531)

De Vorsterman Bijbel

(ca. 1528-1531)–Anoniem Vorsterman Bijbel–rechtenstatus Auteursrechtvrij

Vorige Volgende

§ Dat .iiij. Capittel.

1

++ ALdus bid ick v, ick gheuangen inden heere, dat ghi waerdelijck wandelt, als v roepinge wt eyscht, + door welcke wy geroepen zijn,

2

met alle ootmoedicheyt, ende saechtmoedicheyt, ende lancmoedicheyt des herten, malcanderen verdragende, door die liefte,

3

naerstich zijnde, om te houden eenicheyt des gheests, door den bandt des vredes.

4

Een lichaem, ende een gheest, gelijckerwijs, ghi oock geroepen zijt, in een hope ws roepincs,

5

Een heere, een geloof, een doopsel,

6

een God, een vader van allen, die welcke is ouer allen, ende door allen, ende in ons allen. *

7

++ Een yegelic van v is gracie gegeuen, + na de mate des geuingen Christi,

8

waerom dat hi seyt, Om hooch climmende, heeft hi die geuangenisse geuangen geleyt, ende heuet den menschen gauen gegeuen,

9

Dat is, op geclommen, wat ist anders, dan dat eerst neder geclommen was, inde laetste deelen des aerden?

10

Die gene die neder geclommen is, dat is die selfde die ooc op geclommen is bouen alle hemelen, op dat hi alle dinc veruulen soude.

11

Ende die selfde, heeft ghegeuen, die sommighe Apostolen, ende dese propheten, ende die Euangelisten, ende die ander herders, + ende leerders,

12

tot stichtinge der heylighen, tot een werck des aendiensts, tot een stichtinge des lichaems Christi,

13

tot dat wi alle gader comen tot eenicheyt des geloofs, ende kennisse des soons Gods, tot een volmaect man, tot een mate des volle outheits Christi. *

14

+Op dat wi niet meer kinderen en zijn die waggelen, ende omgheleyt worden, met alle winden des leerincs, door loosheyt der menschen, ende schalcheyt, daer si ons mede aencomen, op dat si ons bedriegen mochten.

15

Die waerheyt doende in die liefde, laet ons op wassen door alle dinck in hem, die welcke thooft is Christus,

16

wt den welcken dat geheele lichaem vereenicht wesende, ende te samen hangende, door alle gemeenschap des diensts, naer dwerck van eenyegelick deel in zijn maet, doet een wasdom des lichaems in een stichtinghe van hem seluen door die liefde.

17

Aldus segge ick dat, ende getuyge inden heere, dat ghi hier na niet en wandelt gelijckerwijs die heydenen wandelen, in die

ydelheyt haers sins,

18

hebbende een verdonckert verstant, veruremt vant leuen Gods om die onwetentheyt die in haer is, om der verblintheyt haerder herten.

19

+Wie wanhopende, hebben hen seluen ouergegeuen der onsuyuerheit, om te doen alle onreynicheit met ghiericheyt.

20

Maer ghy en hebt Christum also niet geleert,

21

ist nochtans dat ghi hem gehoort hebt, ende ghi in hem geleert zijt ghelijckerwijs die waerheyt in Iesu is.

22

Worpt af, na die eerste wandelinghe den ouden mensch, die welcke verdoruen wort, nae die begheerlicheden des dwalings.

23

+ Ende wort vernieut, + door den gheest des verstants.

24

Trect aen den nieuwen mensch die na God geschapen is, in rechtueerdicheyt, ende heylicheit des waerheyts.

25

Waerom, die luegen afleggende, spreect die waerheyt, eenyegelick met sinen naesten, want wi zijn malcanders leden.

26

Wort toornich, ende en wilt niet sondigen. + Ende laet die Sonne niet onder gaen, op v toornicheyt,

27

ende en wilt oock gheen plaetse den Duyuele gheuen.

28

Die daer stal, en steel niet meer, maer lieuer arbeyde, met sinen handen werckende tgheue dat goet is, op dat hi hebbe mede te deylen, den ghenen die gebrec lijdt. *

29

Alle quade woort, en gae niet wt uwen mont, maer ist datter eenich goet is tot stichtinge des geloofs, op dattet gracie gheeft den ghenen diet hoorende is.

30

Ende en wilt niet bedroeuen den heyligen gheest Gods, in welcken ghi geteekent zijt inden dach des verlossings.

31

Alle bitterheyt ende gramschap, ende onwaerdicheyt, ende roepinge, ende blasphemie worde van v genomen, + met alle quaetheit

32

Maer zijt tot malcanderen vriendelic, bermhertich, malcanderen vergeuende, ghelijckerwijs oock God door Christum v vergheuen heeft.


Vorige Volgende