De Vorsterman Bijbel

§ Dat .iij. Capittel.

1

⁺OM deser saken wil, ick Paulus gheuanghen Christi Iesu, voor v heyde-

+ A

[p. L5r]

nen.

2

Ist nochtans dat ghi hebt ghehoort, die dispensacie van die gracie Gods die mi gegeuen is tot v,

3

Dat door die openbaringhe die verborgentheyt mi bekent geworden is, ghelikerwijs ick voor gescreuen hebbe opt cortste,

4

wt welcken ghi lesende, verstaen muecht mijn kennisse, in die verholentheyt Christi,

5

Dwelck in anderen tijden die kinderen der menschen niet bekent gheweest en is, ghelijckerwijs nv openbaer is, ⁺ zijn heylige Apostolen ende propheten door den gheest,

+ B

6

op dat die heydenen mede erfgenamen zijn, ende van een lichaem, ende mede deelachtich zijns beloftenis in Christo Iesu, door dat Euangelie,

7

wiens dienaer ick gheworden ben, na die gaue, van die gracie Gods, welcke mi gegeuen is na die werckinge zijns crachts.

8

Mi die alder minste der heyligen, is gegheuen dese gracie, dat ick vercondighen soude doort Euangelie, ⁺ onder de heydenen den ongrondeerliken rijcdom Christi,

+ C

9

Ende dat ick int licht brengen soude allen, welcke die dispensacie des verborgentheyts is, dwelck verborgen was van langhe tijden in God, die welcke alle dinck gheschapen heeft,

10

op dat bekent worde den ouerheyden, ende machten in die hemelsche, door die kercke dye menigherhande wijsheyt Gods,

11

na die voorscickinge der tijden, welcke hi gemaect heeft in Christo Iesu onsen heere,

12

Door welcken wi hebben betrouwen ende eenen toeganc met betrouwen, die welcke is door tgelooue van hem.

13

+ Waerom ick begheere, dat ghi niet en gebreect om mijn tribulatien die ic voor v lide, die welcke v glorie is.

14

Hierom buyghe ick mijn knyen totten vader ons heeren Iesu Christi,

15

van welcke alle vaderscap in hemel ende in aerde genoemt wort,

16

dat hi v geuen wilt, na die rijcdom zijns glorijs, met cracht geuesticht te worden, ⁺ door sinen gheest inden inwendighen mensch,

+ D

17

Christus door tghelooue in v herten te woonen, ende door die liefte ingewortelt ende ingefundeert te worden,

18

dat ghy muecht begrijpen met allen heyligen, wat die breetheyt is, ende lancheyt, ende diepheyt ende hoocheyt,

19

ende bekennen die oueruloedige liefde des kennis Christi, op dat ghi veruult muecht worden in alle volheit Gods.

20

Ende den ghenen die daer machtich is alle dinck te doen oueruloedelick, meer dan al tghene dat wi begheeren oft verstaen na die cracht die in ons werckende is.

21

Hem [kolom] si glorie in die kercke, ende in Cristo Iesu in allen geslachten, vander eeewicheyt totter eewicheyt, Amen. *