De Vorsterman Bijbel

[p. L4r]

[kolom]

[afbeelding]

Hier begint die Epistel die Sinte Pauwels ghesonden heeft totten Ephesien.

§ Dat eerste Capittel.

1

⁺PAulus apostel Iesu Christi, door die wille Gods, ⁺ alle den heyligen welcke tot Ephesien zijn, ende alle den geloouigen in Christo Iesu,

+ A

+ Gala. i.a ij.Corin. i. i.Petri. i

2

Gracie si v ende vrede, van god onse vader ende den here Iesu Christo.

3

Gebenedijt si God, ende die vader ons heeren Iesu Christi, welcke ons ghebenedijt heeft met alle gheestelike benedictie, in hemelsche dingen door Christum.

4

Ghelijck als hy ons wtuercoren heeft in hem, eer die werelt was ghemaect, op dat wy heylich souden wesen, ende onbeulect voor hem, door die liefte.

5

Die ons voorschict heeft, ⁺ tot dye verkiesinghe der kinderen door Iesum Christum in hem seluen, nae tvoornemen zijns willes

+ B

6

tot lof zijns gracijs, door welcke hi ons lieftal ghemaect heeft in sinen lieuen sone.

7

In welcken wy hebben verlossinge door zijn bloet, tot verghiffenisse der sonden, na dye rijcdom zijns gracijs. ⁺

+ Gala. iiij.

8

Welcke hy ons oueruloedich gedeelt heeft, ende alle wijsheyt, ende cloecheyt,

9

op dat hy ons dye verborghentheyt zijns wils openbaer maken soude, nae zijn wel behaghen. Welck hy in hem voorghesedt hadde,

10

tot een volbrenghinge des volheyts der tijden, op dat hy int gheheel alle dinck vernieuwen soude door Christum, ⁺ ende tghene dat in de hemelen is, ende dat in de aerde. ⁺ Inden seluen,

+ C

+ Rom. viij.

11

in welcke wi oock tot een erfdeel gheroepen zijn, voor gheschict zijnde na zijn voornemen, die alle din-

[p. L4v]

gen werct, na den raet zijns wils,

12

op dat wi zijn moghen tot lof zijns glorijs, wy, welcke te voren in Christo ghehoept hebben.

13

In welcken als ghi gehoort hadt dat woort des waerachticheyts: dat Euangelium ws salicheyts, inden welcken, nae dat ghi oock gelooft hebt, zijt gheteekent door den heylighen gheest des beloftenis,

14

die welcke is een pant ons erfs, tot een verlossinghe des vercreghen besittincks, tot lof zijns glorijs.

15

Ende daer om, ick hoorende dat gheloof dat in v is, in Christo Ihesu, ende die liefde tot allen heyligen,

16

en houde niet op te dancken voor v, ende ws gedachtich te wesen in mijn ghebeden,

17

op dat God ons heeren Iesu Christi, dye vader der glorien, v gheuen moet den geest des wijsheyts, ende des openbaringhes, tot die kennisse zijns selfs,

18

ende dat dye ooghen ws herten verlicht zijn, op ⁺ dat ghy weten moecht, wat die hope is daer hy toe gheroepen heeft, ende hoe rijck dye glorie des erfs in zijn heyligen is,

+ D

19

ende wat de oueruloedige grootheyt zijns machts in ons is, dwelcke ghelooue naer dat werck des crachts zijnre stercheyts,

20

welcke hy in Christo Iesu ghewrocht heeft, als hy hem wt den dooden verwecte. Ende doen sitten heuet tot zijnder rechter handt, in hemelschen dinghen,

21

bouen alle heerlicheyt, ende macht ende cracht, ende heerschappie, ende alle naem die ghenoemt wordt, niet alleen in dese werelt, maer oock in dye toecomende. ⁺

+ Psal. viij.

22

Ende hy heuet alle dinck onder zijn voeten ghesedt, ende heeft hem ghegeuen een hooft ouer alle kercken,

23

welcke zijn lichaem is, ende een veruullinge des ghenen dye alle dinghen in alle dinghen veruult.