De Vorsterman Bijbel

§ Dat .iij. Capittel.

1

⁺BEghinnen wi weder om ons weluen te prijsen? oft behoeuen wy lofbrieun tot v, oft van v, als dye sommige?

+ A

2

Ghy zijt onse brief, gescreuen in onse herten, welck verstaen ende gelesen wort van allen menschen [kolom] gheopenbaert,

3

want ghi een brief Christi zijt aengedient van ons, ende gescreuen nyet met inct, mer met den gheest des leuenden Gods nyet in steenen tafelen maer in vleeschelike tafelen des herten.

4

⁺+ Wi hebben aldusdanighen betrouwen, voor god door Christum,

+ B

5

niet dat wi bequaem zijn van ons seluen wat te dencken, als wt ons seluen, mer ons bequaemheyt is wt god,

6

dye ons oeck bequame dienaers gemaect heeft des niewen testaments, niet des letters, mer des gheests. Want die letter doodet, mer die gheest maect leuendich.

7

Is dat die aendieninge des doots, in dye letteren in steenen gemaect, in glorie geweest is, also dat die kinderen van Israel, ⁺ die oogen niet houden en mochten int aensicht Moysi, ⁺ om de glorie zijns aensichts, welcke vergaet waer om

+ C

+ Exo. 34.b

8

en sal niet veel te meer die aendieninge des geests in glorie wesen?

9

want is dye aendieninge des verdoemnis in glorie, veel te meer gaet in glorie te bouen daendieninge des rechuerdicheyts.

10

Wantet niet geglorificeert en is geweest dat geschenen heeft in dit deel, ouermits die oueruloedige glorie.

11

Want ist tgheen dat vergaet in glorien geweest: veel te meer is in glorien tgheen dat blijft.

12

⁺Wy dan hebbende aldusdanigen hoop, gebruycken wy veel betrouwens,

+ D

13

ende niet ghelijck Moyses een decsel op zijn aensicht dede, op dat die kinderen van Israel niet bescouwen en souden in zijn aensicht datter vergaet

14

maer haer sinnen zijn plomp. Noch tot heden blijft dat selue decsel int lesen des ouden testaments bedect, dwelck door Iesum Christum vergaet.

15

Maer tot desen dach toe, als Moyses ghelesen wort, ist decsel noch op haer herten gheleyt.

16

Maer als si totten here ghekeert sullen zijn, so salt decsel wech ghenomen worden.

17

Want dye Heere is een geest waer den gheest des heeren is, daer is vryheyt.

18

Ende wy alle gader, met een ontdeckt aensicht, dye glorie des heeren speculerende, werden verandert nae dat selue beelt van glorie in glorien, als vanden geest ons heren.