De Vorsterman Bijbel

§ Dat .iij. Capittel.

1

⁺ENde ick broeders en hebbe v niet mogen spreken als geestelike, mer als vlees-

+ A

[p. I7v]

chelike, gelijck ionge kinderkens in Christo

2

heb ic v gegeuen dranc, melck, niet vaste spijse. Want ghi en mochtet niet, ymmer oec nv en moecht ghi niet, want ghi zijt noch vleeschelick.

3

Want als in v is nidicheit, ende kijuagie, zijt ghi niet vleyschelick, ende wandelt nae den mensch?

4

want als yemant seyt. ⁺ Ick ben Pauli, ende die ander, Ick Apollo, zijt ghi dan niet menschen? Daer om, wat is Apollo? ende wat is Paulus?

+ B

5

dienaers des gheens die ghi ghelooft hebt, ende een yegelick als hem die heer ghegeuen heeft.

6

Ick heb gheplant: Apollo heeft nat gemaect. Maer god heeft dat wasdom gegeuen.

7

Aldus die daer plant, en is niet, noch oec dye daer nat maect, maer God die den wasdom gheeft.

8

Voort die plant, ende die nat maect, zijn een. ⁺ Een yegelick sal zijn loon ontfangen na sinen arbeyt

+ C

9

Want wij zijn Gods mede werckers, gods bouwinghe, Gods timmeragie zijt ghi:

10

nae der gracien gods die my gegeuen is, als een wijs timmermeester heb ick dat fundament gheleyt, maer een ander timmert daer op. Een yegelick sie toe, hoe dat hi daer op timmert,

11

want een ander fundament en mach nyemant leggen, behaluen datter gheleyt is: dwelck is Iesus Christus.

12

Ist dat yemant op dit fundament timmert, gout, siluer, costelike steenen, hout, hoy, stoppelen, een yegelicx werck sal openbaer worden.

13

Want den dach des heeren sal verclaren, wantet inden viere geopenbaert sal worden, ende een yegelicx werc, hoedanich dattet si, sal tvier proeuen.

14

Ist dat yemants werck blijft, dat hy daer op ghetimmert heeft, sal loon ontfangen.

15

Ist dat yemants werck verbrant wort die sal scade liden, ende hi sal salich worden, maer so, gelijck als doer tvier.

16

⁺En weet ghi niet dat ghi een tempel gods zijt? Ende die geest gods in v woent?

+ D

17

Ist dat yemant den tempel gods violeert, god sal hem verdoemen. Want den tempel gods is heylich, welck ghi zijt.

18

Nyemant en bedriege hem seluen. Ist dat yemant onder v hem seluen laet duncken dat hi wijs is, die werde sot in deser werelt, op dat hy wijs mach worden.

19

Want de wijsheyt deser werelt is sotheyt bi gode. Wanter gescreuen is. Ick sal dye wijse vanghen in haer cloecheyt. ⁺

+ Iob. v.b. psal. xciij.

20

Ende weder om. Die heere kent die ghedachten der wijsen: dat si ydel zijn.

21

Aldus en gloriere nyemant inden menschen, want het hoort al v toe.

22

Ist Paulus, Ist Apollo, Ist Cephas, Ist de werelt, Ist dat leuen, Ist die doot, zijnt tegenwoordighe dinghen, oft toecomende dinghen, al [kolom] hoortet v toe,

23

ende ghi hoort Christo toe, ende Christus hoort God toe.