De Vorsterman Bijbel

§ Dat .xiij. Capittel.

1

⁺ALle siele si onderdanich den ouerste machten. Want daer en is gheen macht dan van Gode. Die welcke van God zijn, zijn gheordineert.

+ A

2

Aldus, wie der macht wederstaet, wederstaet die ordinancie Gods. Ende diese wederstaen, dye crijgen hem seluen verdoemenisse.

3

Want die princen en zijn nyet tot vreesen, den ghenen die wel doen, maer die qualick doen. Wilt ghy den macht nyet vreesen. Doet goet, ende ghy sult lof van haer hebben,

4

want hi is een dienaer gods, v tot goede. Maer ist dat ghy doet dat quaet is, also vreest, want hi niet te vergeefs tswaert en draecht, wandt hy is Gods dienaer, een wraecker tot toornicheyt, ⁺ den ghenen dye doet dat gheen dat quaet is.

+ B

5

Waer om ist van noode onderdanich te zijn, niet alleen om den toornicheyt, mer ooc om der conscientien wille,

6

wandt daer omme betaelt ghi tribuyt, want si zijn Gods dienaers, tot sulcken dingen dienende.

7

Gheeft hier om een yeghelijcke datmen schuldich is, wien tribuyt, tribuyt: wien scattinghe, scattinghe: wien vrees, vrees: wien eer, eer.

8

⁺+ En zijt nyemant yet sculdich, ⁺ dan dat ghi malcanderen lief hebt: want wie sinen euen mensche lief heeft, dye heeft dye wet veruult:

+ C

+ Deut. v.d. Exo. xx.a. Leui. xix.b

9

want ghi en sult gheen ouerspel doen, ghi en sult niet dootslaen, ghi en sult niet stelen, ghi en sult gheen valsch getuychnis seggen, ghy en sult niet begeeren. Ende ist datter een ander

[p. I5r]

ghebot is, dat wort in dyt woort begrepen. Ghy sult uwen naesten lief hebben als v seluen.

10

Dye liefde des naesten, en werct gheen quaet. Aldus is een veruullinghe des wets dye liefde. *

11

⁺+ Ende desen tijt wetende, dattet die vre is ons nv vanden slaep op te staen, want dye salicheyt is nv naerder, dan doen, als wij meynden.

+ D

12

Dye nacht is voorby ghegaen, den dach is ghnaect. Daer om, laet ons af worpen die wercken der duysternissen, ende laet ons aendoen dye wapenen des lichts,

13

alsoe dat wij ghelijck inden dach eerbaerlijcken wandelen, niet in brasserie, ende dronckenschap, niet in slaepcameren, ende onsuyuerheyt, niet in kijuagie, ende veruolghinghe,

14

maer doet aen den Heere Ihesum Christum. *

Ende dye sorchfuldicheyt des vleeschs, en doet niet inder begeerten.