De Vorsterman Bijbel

§ Dat .ix. Capittel.

1

⁺ICk segghe die waerheyt in Christo Iesu, ende en lieghe niet, mijn conscientie mi mede een getuychnis geuende door den heylighen gheest,

+ A

2

dattet mi een grote droefheyt is, ende een stadighe smerte mijnder herten,

3

want ic self begheere verbannen te zijn van Christo, voor minen broederen, die welcke zijn mijn magen na den vleesch,

4

welcke zijn Israeliten. Den welcken die verkiesinghe der kinderen toe behoort, ende dye glorie ende testamenten, ende insettinge des wets ende dienst, ende die beloftenissen,

5

wt welcken vaders Christus is, na den vleesch, die God is ghebenedijt bouen al inder eewichheyt Amen.

6

⁺Maer nyet dat woort gods wt is. Want niet alle die wt der besnijdingen zijn Israel dees zijn Israeliten,

+ B

7

noch oock diet saet zijn van Abraham, al tsamen kinderen, mer in Isaac sal v tsaet ghenoemt worden.

8

Dat is, niet die kinderen des vleesch, dees zijn kinderen gods, mer die welcke zijn kinderen der beloftenisse, worden gherekent int saedt,

9

want dat is dat woordt der beloftenissen. Na deser tijt sal ick comen, ⁺ ende Sara sal een soon hebben.

+ Gene. 8

10

Mer niet alleen dye, maer ooc Rebecca, ⁺ hebbende wt eenre dracht Isaac ons vader.

+ C

11

Als die noch niet geboren en waren, noch nyet goets, noch quaets ghedaen en hadden, op dattet voornemen gods soude blijuen nader verkiesinge,

12

niet wt den wercken, mer wt de ghene die roepende was, is haer geseit, die meerder sal den minder dienen,

13

gelijc alsser ghescreuen is. Iacob heb ick lief gehadt, maer Esau heb ic gehatet.

[p. I3v]

14

Wat sullen wij dan segghen? isser onrechtuaerdicheyt bi god? ⁺ Gheensins,

+ Mala. i.a.

15

want hi heeft Moysi geseyt. Ic sal ontfermen wien ic ontfermt hebbe, ende sal barmherticheyt geuen den ghenen dien ic ontfermen sal.

16

Daer om so ist niet des willende oft des loopende, mer Gods ontfermende.

17

Want die scriftuer seyt Pharaoni. ⁺ Daer toe heb ic v verwect, op dat ick mijn macht in v thoonen soude, ⁺ ende op dat mijnen naeme vercondicht mach worden in dye gheheele aerde.

+ D

+ Exo. 32

18

Daer omme soo ontfermt hy dye hy wil, ende die hy wil, verhart hy.

19

Daer om segdi mi dan. Wat beclaecht men dan noch? Wie wederstaet sinen wille?

20

O mensche wie zijt ghi, ⁺ dye god antwoort? Sal dat werck segghen tot den ghenen diet ghemaect heeft, waer om hebt ghi my aldus gemaect?

+ Exo. ix.b.

21

En heeft een potbacker gheen macht, dat hi wt een stuck maect, dat een vat ter eeren, ende dat ander vat ter oneeren?

22

Ist dan dat god willende gramscap verthoonen, ende zijn macht bekent maken, heeft gheleden met grooter ghedoochsaemheyt, die vaten des gramscaps bequaem totter doot,

23

om dat hi soude bewisen die rijcdomme zijnre glorien, in die vaten der bermherticheyt, welcke hy bereyt heeft tot zijnder glorien.

24

Welcken hi ooc gheroepen heeft, niet alleen wt den Ioden, maer oock wt den Heydenen,

25

ghelijck als hi oock door Oseam seyt. ^{+ +} Ick sal noemen, niet mijn volck, mijn volck, ende niet mijn lief, mijn lief, ende dye barmherticheyt nyet vercreghen en heeft, dye barmherticheyt vercregen heeft.

+ Ozee. ij.d

+ E

26

Ende tsal wesen in die plaetse daer haer geseyt was, ghi en zijt mijn volck niet daer sullen genoemt worden kinderen des leuenden Gods.

27

Esaias roept voor Israel. ⁺ Al waer tgetal der kinderen van Israel ghelijc tsant der zee so sullen die ouerbliuinghen behouden worden.

+ Esa. xx.e

28

Een voleyndende, ende vercortende woort in dye rechtuaerdicheyt: Want dye heer sal een vercort woort inde aerde maken,

29

ende ghelijc als Esaias voorseyt heeft. Ten waer dat de heer van Sabaoth ons ghelaten hadde saet, Sodoma ende Gomorra souden wi gelijc geweest hebben.

30

Wat sullen wi dan seggen? Dat die Heydenen die de rechtuerdicheyt niet geuolcht en hebben, hebben rechtuerdicheyt vercregen maer de rechtuerdicheyt die wtet geloof is

31

Maer Israel die de wet des rechtuaerdichheyts volgede, en is niet gecomen tot de wet des rechtuerdicheyts.

32

Waer om? want si niet [kolom] wt den geloue, mer als wt den wercken. Sij hebben gestooten aen die steen des hindernis

33

ghelijck alsser ghescreuen is. ⁺ Siet, ick sette Syon eenen steen des aenstoots, ende een steen des scandalisatie. Ende alle dye ghene die daer in gelooft, en sal nyet bescaemt worden.

+ Esa. 28.b.