De Vorsterman Bijbel

§ Dat .iij. Capittel.

1

⁺IN dien dagen is Ioannes baptista ghecomen ⁺ prekende in die woestine van Iudeen

+ A

+ Sint Ian die doopt in die woestijn

2

ende seggende. Doet penitencie, want dat rijck der hemelen sal naken.

3

Ende dese is die ghene daer die propheet Esaias af gesproken heeft, ⁺ seggende. Een stemme des gheens die daer inder woestine roepende is, bereyt den wech des heren, ende maect zijn toepaden recht.

+ Esa. xl. zacha. i.a

4

§ Ende dese Ioannes hadde een cleet van kemelen hare, ende een leren gordel om zijn lenden, ende zijn spise was sprinchanen ende wilden honich.

5

Doen is wtgegaen tot hem Ierusalem, ende alle Iudeen, ende al dat lantscap ontrent der Iordanen

6

ende worden van hem in dye Iordane gedoopt belijdende haer sonden. ⁺

+ Veel sondaren comen tot Ioannem biechtende haer zonden

7

⁺+ Ende siende veel pharizeen ende Saduceen tot sinen doopsel comen, heeft haer geseit. Geslachten der slangen, wie sal v wisen te ontulieden den toecomenden toorn?

+ B

8

Hier om so doet waerdige vruchten der penitencien,

9

ende en wilt onder v lieden niet seggen, wi hebben Abraham tot eenen vader, want ic seg v dat god mach maken, dat wt dese steenen opstaen kinderen Abrahe.

10

Die bijle is als nv aen dye wortel der bomen gestelt. Hier om, alle boom die gheen goede vrucht en doet, sal af gehouwen worden, ende int vier geworpen worden.

11

Ic doop v int water totter penitencien, mer die na mi comen sal is stercker dan ic, wiens scoenen ic niet weerdich en ben te dragen, die sal v doopen inden heyligen geest, ⁺ ende met vuer

+ Actu. i.a

12

⁺wiens wan in zijn hant is. Ende hy sal suueren sinen dorschuloer, ende dye taruwe sal hi in zijn schuere vergaderen, maer dat caf sal hy verbranden met onblusscheliken vuere. *

+ C

13

+ Doen is Iesus gecomen wt Galileen tot de

[p. B2v]

Iordane tot Ioannem, ⁺ om dat hi van hem gedoopt soude worden,

+ Iesus wert van Ioanne ghedoopt

14

ende Ioannes weygherdet hem seggende. Ic soude van v gedoopt worden, ende coemt ghi tot mi?

15

Iesus antwoordende heeft hem geseyt. Laet nv toe, want alsoo betaemtet ons alle rechtuerdicheyt te volbrengen. ⁺ Doen liet hi hem.

+ mat. xvij a

16

Iesus gedoopt zijnde, clam ter stont wten water, ende siet, dye hemelen zijn geopent, ende heeft gesien die gheest gods neder dalende gelijc een duue, ende ouer hem comende,

17

ende siet een stemme wten hemel seggende. Dese is mijn beminde sone, inden welcken ic mi behaecht hebbe.