De Vorsterman Bijbel

§ Dat .iiij. Capittel.

1

⁺+ DOen is Iesus geleyt vanden geest inder woestinen, ⁺ om dat hi getempteert soude worden vanden duuel. ⁺

+ A

+ Luce 4 a Mar. i b

+ Iesus wert ghequelt van den duuele

2

Ende na dat hi geuast hadde .xl. dagen ende veertich nachten, so hongerde hem.

3

Ende toegaende die tempteerder, heeft hem geseyt. Ist dat ghi die sone gods zijt, soo segt dat dese steenen broot worden.

4

Wie antwoordende heuet geseit. Het is gescreuen. Die mensche en leeft niet alleen vanden brode, mer van allen woorde dat daer coemt wt den monde gods.

5

Doen nam hem die duuel in die heylige stad, ⁺ ende stelde hem op der tinnen vanden tempel,

+ Deu. 8 a

6

ende sprack tot hem. ⁺ Sijt ghy dye sone gods, so worpt v seluen nederwaerts, wanter gescreuen is, dat hi sinen engelen geboden heeft van v, ende in haer handen sullen si v dragen, dat ghi uwen voet niet stoten en sout aenden steen

+ Psal. xc.

7

⁺Iesus sprac tot hem anderwerf. Daer is gescreuen. ⁺ Ghi en sult uwen here uwen God niet tempteren.

+ B

+ Deu. vi.e.

8

Weder om nam hem dye duuel op eenen seer hogen berch, ende thoonde hem alle die rijcken der werelt ende haer glorie,

9

ende seyde tot hem. Al dese sal ic v geuen, ist dat ghi neder valt ende mi aenbidt.

10

Doen sprac Iesus tot hem. Gaet Satanas, wantet gescreuen is. Vwen here uwen god sult ghi aenbidden, ende hem sult ghy alleen dienen. ⁺

+ Deut. vi.b ende .x.b

11

Doen verliet hem die duuel, ende siet, die enghelen quamen ende dienden hem. *

12

⁺+ Ende na dat Iesus gehoort hadde dat Ioannes geleuert was, ⁺ is hi geweken in Galileam,

+ C

+ Marci. i b. Luce 4 e

13

ende latende die stadt Nazareth, is ghecomen, ende heeft gewoont in die stadt Caphernaum, die aende zee leyt in die eynden van zabulon ende Neptalim,

14

op dat veruult soude worden dat door den propheert Esaias gesproken was. ⁺

+ Esa. ix.a

15

Dat lant van zabulon ende tlant van Neptalim wech der zee ouer die Ioerdaen dat heydensche Galilea,

16

dat volck dat in duysternissen wandelt heeft een groot licht gesien, ende den ghenen dye daer saten inden landtscappe der scaepen der doot, dien is een licht op gegaen [kolom]

17

Van dier tijt af begonst Iesus te prediken ende te seggen. Doet penitencie, dat rijc der hemelen sal naken. *

18

+ Ende Iesus wandelende bider zee van Galileen heeft gesien twee broederen, ⁺ Symon die Petrus hiet, ende Andream sinen broeder, haer net inder zee worpende (want si visscers waren) ⁺

+ Luc. v b Mar. i b

+ Die roepinge van sint Petri Andries, ende den twe kinderen zebedei.

19

ende sprac tot haer. Volcht mi na, ende ic sal v maken visschers der menschen;

20

Ende ter stont haer netten achterlatende, zijn hem na geuolcht

21

⁺Ende van daer voortgaende, heeft hi twee ander broederen gesien, Iacobum den sone van Zebedeus, ende Ioannem sinen broeder, int scip met haren vader Zebedeo, bereydende haer netten, ende hi heeft dese geroepen.

+ D

22

Ende dese ter stont haer netten ende haren vader latende, zijn hem geuolcht. *

23

+ Ende Iesus omginc geheel Galileen, leerende in haer synagogen, ende predikende dat Euangelie des rijcs, ghenesende alle siechede ende alle ongesonthede onder dat volck.

24

Ende zijn fame is gegaen in gheheel Syrien, ende si offerden hem alle crancken, met menigerley qualen ende siecten beuangen, ende dye den duuel hadden, ende die maensuchtigen, ende die gichtigen, ende hi genas haer.

25

Ende veel scaren zijn hem geuolcht van Galileen, vanden thien steden, van Hierusalem, ende vanden Ioedtschen lande, ende van ouer dye Iordane. *