De Vorsterman Bijbel

§ Dat .ij. Capittel.

1

⁺+ ALs dan Iesus geboren was in Bethleem Iude, inden dagen van Herodes des conincs. ⁺ Siet die coninghen zijn ghecomen wt

+ A

+ De drie coningen comen aenbeden wten oosten.

[p. B2r]

den oosten te Ierusalem

2

seggende. Waer is dye die geboren is coninc der Ioden? want wi hebben zijn sterre gesien inden oosten. Ende zijn comen hem te aenbeden.

3

Hoorende Herodes die coninc, is verstoort geweest, ende al Hierusalem met hem.

4

Ende vergaderende alle princen der priesteren, ende geleerde des volcs, ondersocht van haer waer Christus geboren soude worden

5

Ende dese spraken tot hem. In Bethleem Iude want also ist gescreuen door den propheet. ⁺

+ Michee v

6

Ende ghi Bethleem int lant van Iuda, in gheender manieren en zijt ghi de minste onder de princen van Iuda. Want wt v sal wtgaen een leytsman, die mijn volc van Israel regeren sal

7

Doen Herodes heymelic geroepen hebbende die coninghen, neerstelic heeft ondersocht van haer den tijt der sterren, welcke haer geopenbaert had.

8

Ende haer in Bethleem sendende, heeft geseyt. Gaet ende vraecht nerstelick vanden kinde. ⁺ Ende als ghi dat geuonden hebt, so vercondiget mi weder, op dat ic comende hem aenbede,

+ B

9

welcke als si den coninc gehoort hadden zijn wech gegaen. Ende siet de sterre die si inden oosten gesien hadden voorginc huer, tot dat si comende stont bouen daer dat kint was.

10

Ende siende de sterre, zijn si verblijt geweest met groter vruecht.

11

Ende ingaende dat huys, hebben si geuonden dat kint met Maria zijn moeder. Ende vallende neder, hebben hem aengebeden ende haer scatten geopent hebbende, hebben hem geoffert gauen, gout, wierooc ende myrre.

12

Ende antwoorde ontfangen hebbende inden slaep, dat si tot Herodem niet weder keeren en souden, zij doer eenen anderen wech weder gekeert in haer lantscap.

13

⁺Ende na dat si wech gegaen waren + ⁺ Siet so heeft die Engel des Heren geopenbaert Ioseph inden slaep, seggende Staet op ende neemt dat kint ende zijn moeder, ende vliet in Egipten, ende blijft daer tot dat ic v sal seggen. Want tsal geschien dat Herodes dit kint soecken sal om te doden.

+ C

+ Iesus vliet in Egipten

14

Wie opstaende heeft genomen dat kint ende zijn moeder snachts, ende is wech gegaen in Egipten,

15

ende was daer totter doot Herodis op dat veruult soude werden dat vanden here gesproken was door den propheet seggende, ⁺ wt Egipten heb ic mijnen soon geroepen.

+ Osee. ij.a.

16

§ Doen Herodes sach dat hi bedrogen was vanden coningen, wert hi wter maten gram, ende seyndende heeft gedoot alle die kinderen die te Bethleem ende daer ontrent in die landen ronts om liggende waren, ⁺ van twee iaren ende beneden, na den tijt die hi vanden coningen beuraecht hadde

+ Herodes doot die kinderen

17

Doen was veruult dat gesproken heeft geweest door den propheet Hieremiam seggende.

18

Een stemme is gehoort geweest in * Ra-[kolom]ma, weyningen ende veel huylinge. ⁺ Rachel beweende haer kinderen, ende en heeft haer niet willen laten troosten, want si niet en zijn.

+ Hier. iij.d Tre. i.a

19

⁺+ Herodes doot wesende. Siet so openbaerde die engel des heren Ioseph inden slaep in Egipten,

+ D

20

seggende. Staet op ende neemt dat kint ende zijn moeder, ende gaet int lant van Israel, ⁺ want si zijn gestoruen, dye sochten tleuen des kints,

+ Ioseph keret weder om wt egipten

21

wie opstaende, heeft genomen dat kint ende zijn moeder, ende is gecomen int lant van Israel.

22

Doen hi verhoorde dat Archelaus in Iudeen regneerde voor Herodes sinen vader, heeft hi geureest daer te gaen, ende inden slaep vermaent wesende, is geweken in dye eynden des lants van Galileen

23

Ende comende heeft gewoont in die stadt die genaemt is nazareth op dat veruult soude worden dat doer dye propheten gesproken was, want hy Nazareus genoemt sal worden.