De Vorsterman Bijbel

[p. B1v]

[afbeelding]

§ Sinte Mattheus Euangelie.

§ Dat eerste Capittel.

1

⁺DBoeck der gheboorten Ihesu Christi, ⁺ des soons Dauids, ⁺ des soons Abrahams.

+ A

+ Dat gheslacht iesu

+ Roma. i.a. Luce. iij.c. Ioan. i.

2

Abraham heeft ghegenereert Isaac. ⁺ Isaac heeft gegenereert Iacob. ⁺ Iacob heeft gegenereert Iudam ende zijn broeders. ⁺

+ Gene. xxi

+ Genesis. xxv

+ Genesis. xxix

3

Iudas heeft ghegenereert Phares ende zaram van Thamar. ⁺

Phares heeft gegenereert Esrom.

Esrom heeft gegenereert Aram ⁺

+ Genesis. 38

+ i.Para. ij

4

Aram heeft ghegenereert Aminadab.

Aminadab heeft gegenereert Naason.

Naason heeft gegenereert Salmon

5

Salmon heeft gegenereert Boos van Raab.

Boos heeft gegenereert Obeth van Ruth ⁺

Obeth heeft ghegenereert Iesse

Iesse heeft gegenereert Dauid den coninc.

+ Ruth. iiij

6

Dauid coninc heeft gegenereert Salomon wt die welcke toebehooerde Vrias ⁺

+ ij.Reg. xij.

7

⁺ Salomon heeft gegenereert Roboam

Roboam heeft gegenereert Abiam.

Abia heeft ghegenereert Asa

+ i.Par. v.

8

Asa heeft ghegenereert Iosaphat.

Iosaphat heeft gegenereert Ioram

Ioram heeft ghegenereert Oziam

9

Ozias heeft gegenereert Ioatham

Ioatham heeft gegenereert Achas

Achas heeft gegenereert Ezechiam

10

Ezechias heeft gegenereert Manassem

Manasses heeft gegenereert Amon.

Amon heeft gegenereert Iosiam. [kolom]

11

⁺§ Iosias heeft gegenereert Iechoniam ende zijn broeders, ⁺ inden ouerganck van Babilonien.

+ B

+ ij.Para. 26 i.Para. iij 4.Re. xxv i.Esdre. ij

12

Ende na den ouerganck van Babilonien, Iechonias heeft ghegenereert Salathiel.

Salathiel heeft gegenereert zorobabel.

13

zorobabel heeft gegenereert Abiud

Abiud heeft gegenereert Eliachim

Eliachim heeft gegenereert Azor.

14

Azor heeft gegenereert Sadoch

Sadoch heeft gegenereert Achim.

Achim heeft gegenereert Eliud

15

Eliud heeft gegenereert Eleasar.

Eleazar heeft gegenereert Matthan

Matthan heeft gegenereert Iacob

16

Iacob heeft ghegenereert Ioseph den man van Maria, vanden welcken geboren is Iesus die geheeten wert Christus.

17

⁺Alle gheslachten dan van Abraham tot Dauid, veerthien gheslachten. Ende van Dauid, totten ouerganck van Babilonien veerthien gheslachten, ende vanden ouerganck van Babilonien tot Christum veerthien gheslachten.

+ C

18

Christi gheboorte was aldus. ⁺

Als belooft was die moeder Ihesu Maria Ioseph, eer si te samen quamen, is si beuonden gheweest inden buyck hebbende vanden heyligen gheest.

+ Die gheboorte Iesu Luce. ij.

19

Ioseph haer man: want hy rechtueerdich was, ende en woude haer niet beschamen, heeftse heymelic willen laten.

20

Ende hem dyt denckende. Siet soo heeft hem geopenbaert dye engel des heren in sinen slaep, segghende. Ioseph Dauids sone, en wilt niet vreesen te nemen Mariam dijn huysurouwe. Want dat in haer geboren is, is vanden heyligen gheest.

21

Sy sal eenen soon baren ende sinen naem sult ghi heeten Iesum, want hi sal zijn volck salich maken van haer sonden.

22

⁺Ende dit is al gheseyt: om dat veruult soude werden dat ghene dat gheseyt is vanden heere doer den propheet seggende. ⁺

+ D

+ Esaie. vij.

23

Siet een maghet sal in haer buyck hebben, ende baren eenen soon, ende sinen naem sal geheeten worden Emanuel, dwelck soo veel beduyt als God met ons.

24

Ende Ioseph opstaende wt den slaep, heeft gedaen gelijc hem die enghel des Heren beuolen hadde. ⁺ Ende hi heeft ghenomen zijn huysurouwe.

+ Luce. ij.

25

Ende hy en bekende haer niet, tot dat si gebaert heeft haren eersten geboren sone. Ende hy heeft geheeten sinen naem Iesum