De Vorsterman Bijbel

§ Dat .iij. Capittel.

1

⁺SIet, ic sal minen engel seynden, ende hi sal den wech voor mijn aensicht bereyden, ⁺ Ende ter stont sal die Heerschapper, dien ghi soect, comen tot sinen tempel, ende die engel [kolom] des testaments dien ghi begheert, seyt die HERE der heyrscharen, siet, die coemt.

+ A

+ Mat. ij.d. Marci. i.b

2

Ende wie sal moghen ^* dencken) den dach zijnder toecoemst, Ende wie sal staen, om hem te sien?

Want hi sal ^* zijn als te samen smiltende vyer), ende als des volders cruyt.

* th. verdraghen

* the. suyueren gheijck vyer

3

Ende hi sal sitten ^* te samen smiltende) ende suyuer makende tsiluer, Ende hi sal die sonen Leui suyueren, ende hi salse ^* fineren als) gout, ende als siluer, ende si sullen den HERE ^* offerhande) brengen tot rechuaerdicheyt.

* the. om te suyueren

* th. scheyden gelijck

* h. spijsoffr

4

Ende die ^* offerhande) van Iuda, ende Ierusalem sal dan den HERE behaghen, ^* als daghen der eewicheyt ende als die oude iaren).

* h. spijsoffr

* th. ghelijck vanden beghinne ende vanden ouden iaren,

5

Ende ick sal tot v comen int oordeel, ende ick sal den ^* quaetdoenders) een snelle getuyge zijn, ende den ouerspeelders ende den valscheedighen, ende die veronrechten den loon des huerlincs, ende die die weduwen ende weesen vernederen, ende ^* verdrucken den vremden) noch en hebben mi niet ontsien, seyt die HEERE der heyrscharen.

* the. tooueraers

* th. den vremden neuen hen wijsen

6

Want ick ben die HEERE, ende en worde niet verandert, ende ghi sonen van Iacob, en zijt niet verteert,

7

⁺Want vanden daghen uwer vaderen aen, sidy wech gegaen van mijn wettighe gheboden, ende en hebtse niet bewaert.

Die HEERE der heyrscharen seyt, keert v tot mi, ende ick sal mi tot v keeren,

+ B

8

Ende ghi hebt geseyt, Waer in sullen wi ons bekeeren? ^* Oft een mensche Godt sal vestigen, want ghi mi door naghelt), Ende ghi hebt geseyt, Waer mede hebben wi v ^* door nagelt?) Aenden thienden ende aenden ^* eersten vruchten)

* h. Sal een nensche god beroouen, dat ghi mi berooft

* th. berooft

* th. hefoffer

9

ende daerom zijt ghi in armoede vermaledijt, ^* ende ghi gheheel volck, doornaghelt mi)

* h. want ghi altsamen berooft mi

10

Brengt alle thiende in die schure op dat spise sal zijn in mijn huys, ende proeft mi daer mede, seyt die HEERE ^*).

Oft ic v niet en sal op doen, die ^* ghoten) des hemels, ende v ghebenedijnge wtstorten tot oueruloedicheyt,

* h. der heyrscharen

* h. vensteren

11

⁺Ende ick sal voor v den verslinder berispen, ende hi en sal die vrucht uwer aerden niet verderuen, noch die wijngaert en sal niet onuruchtbaer zijn inden acker, seyt die HERE der heyrscharen.

+ C

12

Ende alle heydens sullen v heylich seggen, Want die HEERE der heyrscharen seyt, ghi sult een begheerlijcke lant hebben.

13

Die HERE seyt uwe woorden zijn sterck gheworden teghen mi,

14

ende ghi hebt geseyt, Wat hebben wi teghen v ghesproken? Ghi hebt geseyt, Het is te vergheefs, datmen God dient, Ende wat bate hebben wi, dat wi zijn gheboden ghehouden hebben? ende dat wi droeuich gewandelt hebben voor den HERE der heyrscharen?

[p. Y4v]

15

Daerom segghen wi nv salich, die vermetelijck zijn, ⁺ Want si zijn ghesticht ongodlicheyt doende, ende si hebben God getemteert, ende zijn behouden gheworden.

+ Iob. xxi.b.

16

Doen hebben gesproken, die God ontsien, een yeghelijck met sinen naesten, Ende die HEERE heuet aenghemerct, ende heuet ghehoort, Ende dat boeck der ghedenckenissen is gheschreuen voor hem, den ghenen die God ontsien, ende sinen naem ^* dencken.)

* the. achten

17

Ende die HEERE der heyrscharen seyt, si sullen mi tot een eyghen goet zijn, inden dach ^* als ict doen sal) ende ick salse sparen, gelijc een man sinen sone spaert die hem dient.

* h. den welcken ick make

18

Ende ghi sult wederkeeren, ende ghi sult sien, wat onderscheyt, dat tusschen den rechtuaerdigen ende den ongoddelijcken is, ende tusschen den ghenen, die God dient, ende die hem niet en dient.

§ Van Christus toecoemst. Ende dat den ghenen die Gods naem vreesen, die Sonne der rechtuaerdicheyt sal opgaen Ende dat Helias sal comen, voor die tweetste toecoemste Christi.