De Vorsterman Bijbel

§ Dat .iiij. Capittel.

1

WAnt siet, den dach sal comen ^* aengesteken als eenen schorsteen), ende alle die hoouaerdige, ende alle die ongodlicheyt doen sullen zijn als een stoppel, Ende die toecomende dach salse aensteken, ⁺ seyt die HERE der heyrscharen, die hen noch wortel noch tack laten en sal.

* th. die ghelijck eenen bacouen brant

+ A

2

Ende die Sonne der rechtuaerdicheyt sal v luyden, die minen naem ontsiet, opgaen, ende ghesontheyt in haeren vederen.

⁺ Ende ghi sult wtgaen, ende ^* springhen als een kalf, van die verghaderinghe der beesten)

+ B

* the. toenemen ghelijck mestkalueren.

3

ende sult die ongodlijcke vertreden, want si sullen zijn asschen onder dat hol van uwen voeten, ^* inden dach inden welcken ick dat doe), seyt die HEERE der heyrscharen.

* th. denwelcken ick make

4

Ghedenct der wet Moysi mijns knechts, die ick hem gheboden hebbe in Oreb, tot alle Israel, der ^* gheboden) ende oordeelen.

* theb. zeden

5

⁺Siet, ick sal v Heliam den propheet seynden, eer dien grooten ende versehrickelijcken dach des HEEREN comen sal,

+ C

6

Ende hi sal bekeeren, dat herte der vaderen totten sonen, ende dat herte der sonen tot haeren vaderen, op dat ick niet bi auontueren comen en sal, ende slaen die aerde, met die ^* vermaledijnghe.)

* th. den ban

§ Hier eyndt die propheet Malachias. Ende hier eyndet dat boeck der twaelf cleyn Propheten int Latijn genaemt.