De Vorsterman Bijbel

§ Dat .ij. Capit.

1

⁺O Ghi Priesteren, dit ghebot is nv tot v Die HEERE der heyrscharen seyt,

+ A

2

Ist sake dat ghijt niet en wilt hooren, ende niet op v herte en wilt stellen, op dat ghi minen name eere gheeft, so sal ick ^* armoede) op v seynden, ende ick sal uwe ghebenedijnghe vermaledijen, ende ick sal die vermaledijen, want ghijt niet opt herte ghesedt en hebt.

* th. die vermaledijnghe.

3

Siet, ick ^* sal den arm van v worpen,) ende ick sal op v aensicht stroeyen den dreck uwer feestdaghen, ende hi sal v met hem nemen.

* h. roep om uwent wille dat zaet aen.

4

Ende die HERE der heyrscharen seyt, ghi sult weten, ⁺ dat ick dit ghebot tot v ghesonden hebbe, op dat mijn verbont zijn soude met Leui.

+ B

5

Mijn verbont des leuens, ende des vreden was met hem, ende ick heb hem vreese ghegheuen, ende hi heeft mi ontsien, ende hi vreesde vanden aenscijn mijns naems.

6

Die wet der waerheyt was in sinen mont, ende boosheyt en is in sinen lippen niet gheuonden.

Hi heeft met mi in vreden ghewandelt, ende in rechtuaerdicheyt, Ende heeft veel menschen afghekeert vander boosheyt.

7

Want die lippen des Priesters bewaren die conste ende si sullen die wet wt sinen monde vraghen, Want hi is een engel des HEREN der heyrscharen.

8

Maer ghi zijt afghetreden.

[p. Y4r]

ende hebt veel menschen inder wet verarghert, Die HEERE der heyrscharen seyt, Ghi hebt dat verbont van Leui te niet ghemaect.

9

Om dese sake hebbe ick v versmadelijc ghegeuen, ende vernedert allen volcken Ghelijck als ghi mijn weghen niet ghehouden en hebt, Ende ghi hebt ^* dat aensicht genomen inder wet),

* h. den persoon inder wet aengesien

10

En hebben wi niet alle eenen vader? En heeft ons niet een God geschapen? Waerom versmaet dan, een yegelijc van ons sinen broeder? ontheylighende dat verbont onser vaderen?

11

Iuda heeft ouerghetreden, ende daer is onmenschelijcke afgrijselijcheyt in Israel, ende in Ierusalem gheschiet, want Iudas heeft die heylighe plaetse des HEEREN besmet, die hi lief ghehadt heeft, ende hi heeft een dochter eens vremden Gods ghehadt.

12

⁺Die HEERE sal dien man vernielen, die dat gedaen heeft, den meester ende den discipel ^* vanden tabernakel Iacob) ende den offerenden een ^* gaue) den HERE der heyrscharen.

+ C

* th. van Iacobs tente

* h. spijsoffr

13

Ende dat hebdy tweemael gedaen ^* Ghi dectet) den outaer des HEREN met tranen, met weenen ende ^* huylen), also dat ick voortmeer tot v ^* offerhande) niet en sal sien, noch ick en sal van uwer handt yet dat versoenen mach ontfanghen,

* the. dat die vrouwen decten

* th. suchten

* h. spijsoffr

14

Ende ghi hebt gheseyt, Om wat sake? Want die HEERE ghetuycht heeft, tusschen v ende v vrouwe uwer ioncheyt, dien ghi versmaet hebt, ende dit is uwe ghesellinne, ⁺ ende vrouwe ws verbonts?

+ Esae. li. Eze. xxxiij

15

En heuet niet die eene ghedaen? ende ^* is si niet dat ouerblijfsele zijns gheests) Ende wat soect die eene dan dat zaet Gods?

Hierom bewaert uwen gheest, ⁺ ende en wilt die vrouwe uwer ioncheyt niet versmaden.

* th. maer hi hadde eenen anderen gheest

+ D

16

Die HEERE God van Israel seit Als ghise haet, so verlaetse. Die HEERE der heyrscharen seyt, die boosheyt sal zijn cleet bedecken, Bewaert uwen gheest, ende en wilt niet versmaden.

17

Ghi hebt den HERE doen arbeyden in uwen redenen, Ende ghi hebt gheseyt, Waer in hebben wi hem doen arbeyden? In dien dat ghi segt, Alle die quaet doet, is goet inden aenschijn des HEREN ende alsulcke behaghen hem, Oft zekere, waer is Gods oordeel?

§ Vanden Engel die gesonden sal worden. Vanden dach des oordeels. Hoe God leeft met die ghene die hem dienen ende hoe metten ghenen die hem niet en dienen.