De Vorsterman Bijbel

§ Dat .xiiij. Capittel.

1

⁺SIet die daghen comen, seyt die HERE, ende v roouen sullen wtgedeelt worden in v middel,

+ A

2

Ende ic sal vergaderen alle volcken tot Ierusalem tot eenen strijt, Ende die stadt sal gewonnen worden, ende die huysen sullen ^* ver

* h. gheplundert.

[p. Y3r]

doruen) worden, ende die vrouwen sullen vercracht worden, Ende dat half deel der stadt sal wtgaen in gheuanghenisse, Ende dat ander volck, en sal niet ghenomen worden wt der stede.

3

Ende die HEERE sal daer na wt gaen, ende sal strijden teghen die Heydens, so hi ghestreden heeft inden dach des strijts,

4

Ende zijn voeten sullen staen in dien dach, op den berch van Olyueten, die teghen Hierusalem totten Oosten is, Ende die berch van Olyueten ^* sal ghedeelt worden van zijn half deel totten Oosten, ende totten Westen, met een zeer groote schoere,) Ende die helft des berchs sal ghescheyden worden totten Noorden, ende die helft totten Zuyden,

* th. in twee splijten teghent oosten ende teghent westen, dat een zeer groot dal zijn sal

5

ende ghi sult vlieden totten dale ^* haerder) berghen, ⁺ want dat dal der berghen sal ^* worden te samen gheuoecht totten naesten,) Ende ghi sult vlieden, so ghi vloot vanden aensichte der aertbeuinghen inden daghe ^* Osie) des Conincs van Iuda, Ende die HEERE mijn God, sal so comen, ende alle heylighen ^* met hem.)

* h. mijnder

+ B

* h. tot Azal toe reycken

* the. Vzia.

* th. sullen by v zijn.

6

Ende tsal zijn, dat in dien dach, en salt niet licht zijn, maer ^* coude ende vorst)

* h. dompich ende doncker.

7

Ende eenen dach salt zijn, die den HEERE alleen bekent is, niet dach, noch nacht en salt zijn, ende inden tijt des auonts, salt licht zijn.

8

Ende tsal zijn, in dien dach sullen leuende wateren wt gaen van Hierusalem. Die helft der wateren, tot die Oosterse zee, ende die helft tot die achterse zee, Si sullen inden somer zijn, ende inden winter.

9

Ende die HEERE sal Coninck zijn op alle aertrijck, In dien dach salt een HEERE zijn, ende hi en sal maer eenen naem hebben.

10

Ende alle dat aertrijcke sal ^* weder keeren tot die woestyne toe, vanden hueuel Remmon, totten Zuyden van Ierusalem, Ende sal worden verheuen, ende sal bewoont worden in haer plaetse,) van die poorte Ben Iamin aen, tot die plaetse der eerster poorten, ende tot die poorte der hoecken, ende vanden thorre Ananehel, tot die wijnperssen des Conincs,

* th. ende Gibea dat aen Rimon leet sal een blacvelt worden ende gelijc den zuyt syden van Ierusalem, Ierusalem sal hooge liggen, ende aen haer oude plaetse beseten worden.

11

Ende si sullen aldaer woonen, ende gheen verbannen en sal meer zijn. Maer Ierusalem sal vrij sitten.

12

Ende dit sal die plaghe zijn, met welcke die HEERE, alle volcken slaen sal, ⁺ die teghen Ierusalem ghestreden hebben.

Het vleesch van eenen yeghelijcken op zijn voeten staende, sal verdwijnen, ende zijn ooghen sullen te samen verdwijnen in haeren gaten, ende zijn tonghe sal in sinen mont verdwijnen.

+ C

13

In dien dach sal een groot gheruchte des HEEREN onder hen zijn, Ende ^* een man) sal aenuanghen die hant zijns [kolom] naesten, ende zijn hant sal tsamen strijden, op die hant zijns naesten.

* h. een yeghelijck.

14

Maer oock Iudas sal teghen Ierusalem strijden, Ende die rijckdommen alder volcken sullen vergadert worden inden omganck, gout, ende siluer, ende cleederen vele ghenoech.

15

Ende so sal die val des paerts zijn, ende des muyls ende des cameels, ende des ezels, ende alle der beesten die gheweest zijn in dien heyrlegher, ⁺ als ^* dese val,)

+ D

* th. dese plaghe.

16

Ende alle die ouerblijuen sullen van allen volcken, die teghen Ierusalem ghecomen zijn, sullen opclimmen van iaer tot iaer, om aen te bidden den Coninck den HEERE der heyrscharen, ende te vyeren die feestdaghen der loouer tenten.

17

Ende het sal zijn, die niet op en climt vanden gheslachten der aerden tot Ierusalem, om te aenbidden den Coninck den HEERE der heyrscharen, dat op hem en sal gheenen reghen zijn.

18

⁺Ende ist sake dat die ^* familie) van Egypten niet op en climt, ende niet en coemt, noch op hem en sal gheenen reghen zijn, Maer het sal den ^* val zijn) daer die HEERE alle volcken mede slaen sal, die niet op en climmen, om te vyeren die feestdaghen der loouer tenten.

+ E

* th. dat gheslachte.

* the. sal so geplaecht worden.

19

Dat sal zijn die sonde van Egypten, ende dat sal die sonde van allen volcke zijn, die niet op en climmen, om te vyeren die feestdaghen der loouer tenten.

20

In dien daghe salt zijn, dat op den thoom des paerts is, sal heylich zijn den HEERE, Ende die metalen potten inden huyse des HEEREN, sullen zijn als ^* flessen bi) den outaer,

* h. besprenc becken voor

21

Ende alle metalen pot in Ierusalem, ende in Iuda, sal den HEERE der heyrscharen gheheylicht zijn. Ende si sullen alle comen offerende, ende si sullen daer af nemen, ende koken daer in. Ende in dien dach, ☞ en sal gheen coopman meer zijn inden huyse des HEEREN der heyrscharen.

§ Hier eynt die Propheet Zacharias.