De Vorsterman Bijbel

§ Dat .vij. Capittel.

1

⁺HEt is ooc gesciet int vierde iaer des conincs Darij, Dwoort des HEREN is

+ A

[p. Y1r]

geschiet tot Zachariam, opten vierden dach der negenster maent, die geheeten is ^* Casleu)

* th. Chistel

2

Ende si hebben gesonden totten huyse Gods, Sarasar ende Rogomelech, ende mannen die met hem waren, om te bidden voor daensichte des HEREN,

3

dat si seggen souden den priesteren des huys des HEREN der heyrscaren, ende den propheten, sprekende, Sullen wi ooc weenen in die vijfste maent, oft sullen wi ons ^* heilich maken) so wi nv gedaen hebben veel iaren.

* th. onthouden

4

⁺Ende des HEREN der heyrscharen woort is tot mi geschiet, seggende,

+ B

5

spreect tot al dat volc des lants, ende tot die priesteren, seggende Doen ghi vastede, ende schreyde in die vijfste maent, ende in die seuenste, door dese tseuentich iaren, hebdy dat vasten mi moeten vasten?

6

ende als ghi gegeten hebt, ende gedroncken, en hebdijt dan niet v seluen gegeten ende gedroncken?

7

Sijn dit die woorden die die HERE gesproken heeft in die hant der eerster propheten, doen Ierusalem noch bewoont wert, ende was rijc, siende die steden in haeren omghanc, ende die totten zuyden woonden, ende inden slechten velden?

8

⁺Ende des HEREN ⁺ woort gheschiede tot Zachariam, seggende,

+ C

+ Exo. xxij.c

9

Dit seyt de HERE der heyrscharen seggende, Oordeelt warachtich oordeel, ende doet barmherticheyt ende ontfermenisse, eenyegelic met sinen broeder,

10

Ende en wilt niet veronrechten weduwen ende weesen, ende den vremden ende den armen, ende gheen man en dencke arch tegen sinen broeder in zijnre herten,

11

Ende si en hebbent niet willen mercken, ende si hebben ^* af gekeert haere scouderen) ende zijn wech ghegaen, ende hebben beswaert haer ooren, op dat si niet en souden hooren,

* the. hem een strijdige side gekeert

12

ende hebben gestelt haer herte, als een Adamant, op dat si niet en souden hooren die wet ende die woorden die de HERE der heyrscharen gesonden heeft, door sinen ^* heyligen gheest) door die hant der eerster Propheten

Ende groote toorn is daerom gecomen vanden HERE der heyrscharen.

* the. gheest

13

⁺Ende tis gheschiet also ^* ic gesproken hebbe,) ende si hebben niet gehoort, ende die HERE der heyrscharen seyt also sullen si roepen, ende ic en salse niet verhooren,

+ D

* th. hi te voren geroepen heeft.

14

Ende ic hebse verstroeyt door alle rijcken, die si niet en kenden, Ende dat lant is woest geworden van hen, daerom, want daer nyemant door en ghinc, noch wederkeerde, Ende si hebben tbegheerlike lant in een wildernis geset.

§ Hoe dat volc gesterct wert totten wercke des tempels, waerom dat haeren arbeyt eerst onuruchtbaer hadde geweest, maer nv coren sullen hebben, Ende hoe dat volc geleert wert.