De Vorsterman Bijbel

§ Dat .vi. Capittel.

[kolom]

1

⁺ENde ick keerde mi, ende heb opgeheuen mijn oogen, ende heb gesien, Ende siet, vier wagenen wtgaende vant middel van twee bergen, ende die bergen waren metalen bergen,

+ A

2

Inden eersten wagen waren roode paerden Inden tweeden wagen swarte paerden,

3

Ende inden derden wagen witte paerden Ende inden vierden wagen schimmele paerden ende ^* starc)

* theb. vaele

4

Ende ic heb geantwoort ende geseyt totten enghel, die tot mi sprack, Mijn Heere wat zijn dese,

5

Ende die engel heeft geantwoort, ende geseyt tot mi, Dit zijn vier winden des hemels, die wtgaen om te staen bi den Heerscapper van alle aertrijck,

6

Daer die swarte paerden in waren ^* gingen) wt int noorden lant, ⁺ Ende die witte zijn wtgegaen na hen, Ende de schimmele zijn wtgegaen totten zuyden lant,

* theb. ginc

+ B

7

Maer die ^* alderstarcste waren) zijn wtgegaen, ende si begeerden te gaen ende te loopen door alle aertrijck, Ende hi heeft geseyt, Gaet, ende doorwandelt daertrijc, Ende si hebben gewandelt doort aertrijc,

* theb. vaele

8

Ende hi heeft mi geroepen, ende heeft gesproken tot mi, seggende, Siet, die wtgaen int noorden lant, hebben minen gheest doen rusten int lant des noordens,

9

Ende dwoort des HEEREN is hesciet tot mi, seggende

10

Neemt ^* vande oueruaringe) van Heldai, ende van Thobia ende van Iedaia, ⁺ ende ghi sult comen in den seluen dage, ende sult gaen int huys Iosie des soons Sophonie, die gecomen zijn van Babilonien,

* h. van die geuanghene

+ C

11

ende ghi sult nemen gout ende siluer, ende maken croonen, ende sultse setten opt hooft Iesu Iosedechs sone des grooten priesters,

12

ende sult spreken tot hem, segende Die HEERE der heyrscharen spreect, dit seggende, Siet, eenen man, ^* Opgac) is sinen naem, Ende ^* onder hem sal hi opgaen) Ende hi sal timmeren den HEERE eenen tempel,

* th. spruyte

* th. van onder hem sullen spruyten wtspruiten,

13

Ende hi selue sal den tempel timmeren den HEERE.

Ende hi sal dragen deere, ende hi sal sitten, ende sal heerscappie hebben op sinen throon, Ende die priester sal zijn op sinen stoel, ende raet des vreden sal zijn tusschen die twee.

14

⁺Ende die croonen sullen zijn Helem ende Tobie ende Idaie ende Hen, den sone Sophonie, een gedachtenisse inden tempel des HEEREN.

+ D

15

Ende die verre zijn, sullen comen, ende sullen timmeren aenden tempel des HEEREN, Ende ghi sult weten, dat die HEERE der heyrscharen heeft mi gesonden tot v, Maer dit sal geschieden, ist sake, dat ghi sult hooren die stemme des HEEREN ws Gods.

§ Hoe dat vasten gestraft wort, daer gheen wercken der barmherticheyt mede en zijn, Ende hi seyt, dat hi gecomen is om dat Gods geboden versmaet werden, Dat Israel verwoest ende vernielt sal worden.