De Vorsterman Bijbel

§ Dat .v. Capittel.

1

⁺ENde ick keerde mi, ende heb opgeheuen mijn ooghen, ende heb gesien, ende siet, eenen vliegenden boeck,

+ A

2

ende hi heeft geseyt tot mi Wat siedy? Ende ic heb geseit, Siet ic sie eenen vliegenden boec, zijn lengde is twintich cubitus, ende zijn breyde thien cubitus,

3

ende hi heeft geseyt tot mi, Dit is die vermaledijnge die wtgaen sal, opt aensicht van alle aertrijck, Want alle dief, so daer gescreuen is, sal geoordeelt worden, Ende al die sweert, hier wt sal hi des gelijc geoordeelt worden.

4

⁺Die HERE der heyrscharen seit, ic sal dat, wtleyden, ende het sal comen totten huyse des diefs, ende totten huyse des ghenen die sweert in minen naem loghenachtelijc, Ende tsal woonen int middel zijns huys, ende tsal hem verslinden, zijn hout, ende sinen steen.

+ B

5

Ende die Engel die met mi sprac, is wtgeghaen, ende heeft geseyt tot mi, Heft op uwe oogen ende siet, wattet is datter wtgaet?

6

Ende ic heb geseyt, Wat ist? Ende hi heeft geseit Dit is een wtgaende ^* kanne,) Ende hi heeft gheseyt, ^* Dit is haer ooge, in alle aertrijc)

* the. Epha,

* h. dit gaet hen aen, der welcker oogen op alle tlant staen

7

Ende siet een pont loots wert ^* gedragen,) ende siet Een wijf sittende int middel ^* der kannen,)

* th. opgeheuen,

* thebre. des Epha,

8

Ende hi heeft geseyt, Dit is dongodlicheyt, Ende hi heeftse geworpen int middel ^* der kannen,) Ende heeft geworpen den clomp loots ^* in haeren mont.)

* thebre. des Epha,

* h. opt ghat

9

Ende ic heb opgeheuen mijn oogen, ende heb gesien, ende siet, twee wtgaende vrouwen, ende die ^* geest) in haer vlogelen, Ende hadden vlogelen als kiekendieuen vlogelen, ende hieuen die ^* kanne) op, tusschen die aerde ende den hemel,

* theb. wint

* the Epha

10

Ende ic heb geseit totten engel, die tot mi sprac ⁺ Waer dragen dese ^* die kanne?)

+ C

* the.bre. dat Epha,

11

Ende hi heft geseit tot mi, Int lant Sennaar, op dat haer een huis daer getimmert sal worden, ende worden geuest, ende worde daer geset, op zijn fundament.

§ Van die vier wagenen ende metalen berghen, ende van haer paerden die daertrijck omgingen, Ende ven die croonen diemen op Iesus hooft soude stellen, Ende vanden man die Opganc hiet, Ende hoe die heydenen loopen souden, om den tempel te timmeren.