De Vorsterman Bijbel

§ Dat .iiij. Capittel.

1

⁺ENde die engel is weder gecomen die tot mi sprac, ende heeft mi gewect, als een man die gewect wort van sinen slape,

+ A

2

ende heeft geseyt tot mi, Wat siedy? ende ic heb geseyt, Ick heb ghesien, ende siet, een gheheelen gouden candelaer, ende zijn ^* lamp) op zijn hooft, ende zijn seuen blinckende lichten daer op, ende seuen vaten daermen die olie mee ingoot, die waren op zijn hooft,

* the. becken

3

Ende twee olijfboomen daer bi een ter rechter siden der lampen, ende een ter slincker siden.

4

Ende ic heb geantwoort, ende seyde totten engel die toe mi sprac, seggende, Mijn Heere, wat zijn dese?

5

Ende die engel die tot mi sprac heeft geantwoort, ende heeft geseyt tot mi, En weet ghi niet, wat dese zijn? Ende ick heb geseyt, Neen ic, mijn Heere.

6

⁺Ende hi heeft geantwoort, ⁺ ende seyde tot mi, seggende, Dat is des HEEREN woort tot Zorobabel, segghende, Niet in scharen des volcs, noch in starcheyt, maer door minnen gheest, seyt die HERE der heyrscaren.

+ B

+ Esaie. iij.

7

Wie sidy, ghi groote ^* berch bi) Zorobabel, suldy worden ^* slecht?)

Ende sal brengen den eersten steen, ^* ende sal gelijcken die gracie zijnder gracien.)

* the. berch worm

* the. effene

* th. dat alle man seggen sal, Och wel scoone is hi.

8

Ende dwoort des HEEREN is ghschiet tot mi, seggende,

9

Zorobabels handen hebben dit huys ghefundeert, ende zijn handen sullent volmaken, ende ghi sult weten, dat die HEERE der heyrscharen mi heeft gesonden tot v,

10

Want wie ^* heeft versmaet die cleyne daghen, Ende si sullen verbliden, ende si sullen sien) eenen tennen steen, in Zorobabels hant.

* the. ist diet die wille dattet noch cleyn was veracht heuet, die sal hem nv verbliden alshi sien sal

[p. X8v]

11

^* Dit zijn seuen oogen des HEEREN, die loopen in alle aertrijc) Ende ic heb geantwoort ende geseyt tot hem, ⁺ Wat zijn dese twee olijfboomen ter rechter siden des candelaers, ende tot sine slincker side?

* h. dat hi seuenmael so groot is. Des Heeren oogen doorsien de gantze werelt

+ D

12

Ende ic heb gheantwoort anderwerf, ende heb gheseyt tot hem, Wat zijn die aren der olyuen, die bi die twee gouden beckens zijn ^* aen die welcke hangen die gieters van goude?)

* th. die hen seluen legen so suyuer als gout, § Dese .ij. sonen des olijs, zijn die ouerste priester ende de coninc

13

Ende hi heeft geseyt tot mi, ende sprac, En weet ghi niet wat dese zijn? Ende ick heb geseyt, Mijn Heere, neen ic,

14

Ende hi heeft gheseyt, dit zijn die twee sonen des olijs die bi den HEERE des aertrijcs staen.

§ Vanden vlieghenden boeck, Ende van die kanne, Ende van die vrouwen die dese droeghen.