De Vorsterman Bijbel

§ Dat .ij. Capittel.

1

⁺ENde ick hebbe mijn ooghen opgheheuen, ende hebbe gesien, ende siet, Een man, ende in zijn hant was een meters lijnie,

+ A

2

Ende ick heb geseyt, Waer gaet ghi? Ende hi heeft

[p. X8r]

geseyt tot mi, seggende, Ic gae om te meten Ierusalem, op dat ick mach sien, hoe groot dat haer breyde is, ende haer lengde,

3

Ende siet, die engel die tot mi sprac, ghinck in, Ende die ander engel ghinck wt, hem te gemoete,

4

ende seyde tot hem, Loopt, ende spreect tot desen kinde, ende segt, ⁺ Ierusalem sal worden bewoont sonder muer, ouermidts menichte der menschen, ende beesten die daer in woonen sullen

+ B

5

Ende ic sal hen zijn een vieriege muer rontsomme, seyt die HERE, Ende int middel van hen sal ic zijn tot een heerlicheyt.

6

O, o, vliedt vanden lande des Noordens, seyt die HEERE want inden vier winden des hemels heb ic v verstroyt, seyt die HEERE.

7

O Sion vliedt, die woont bi die dochter van Babilonien,

8

⁺Want die HEERE der heyrscharen seyt dit, Hi heeft mi gesonden na die heerlicheyt, totten heydenen die v berooft hebben, Want die v aentast, die tastet ^* den appel mijns ooges) aen,

+ C

* theb. sinen ooch appel

9

Want siet, ic heffe mijn mijn hant op hen, ende si sullen zijn roouen, den ghenen die hen gedient hebben, Ende ghi sult bekennen, dat die HEERE der heyrscharen mi gesonden heeft.

10

O dochter van Sion loeft ende verblijt, want siet, ick come, ende ic sal woonen, seyt die HEERE, int middel van v.

11

Ende veel heydenen sullen worden toegheuoecht totten HEERE, ⁺ in dien dage, ende sullen mi zijn tot een volck, ⁺ Ende ic sal woonen int middel van v, ende ghi sult weten, dat die HEERE der heyrscharen heeft mi ghesonden tot v.

+ D

+ Luce. x.b.

12

Ende die HEERE sal Iudam besitten zijn deel int gheheylichde lant, ende hi sal noch wtuerkiesen Ierusalem.

13

☞ Alle vleesche swige voor daensichte des HEEREN Want hi is opghestaen van zijn heylighe wooninghe.

§ Hoe Iesus die hooge priester voor den engel stont, ende Sathan ter rechter hant daer tegen te staen, Ende hoe Iesus onreyne cleederen aen hadde, ende een Brant wten viere getrocken hiet, ende andere cleederen creech.