De Vorsterman Bijbel

§ Dat .iij. Cap.

1

^+* WEe der verwectster ende verloste stat ende duyue)

+ A

* h. Hey hoe is die stadt die eender duyuen ghelijc was so onsuyuer, ende besmet gheworden

2

Si en wilde niet hooren die stemme, ende en wilde niet ontfanghen leeringhe, Si en wilde niet betrouwen inden HEERE, si en wilde niet genaken tot haeren Godt.

3

Haer princen zijn int midden van hen, als briesschende leeuwen. Haer rechters als woluen, en lieten niet ouerbliuen, van tsauonts totten morgen.

4

☞ Haer propheten ^* rasende mannen ongheloouich.) Haer priesters hebben besmet dat heylichdom, si hebben onrechtuaerdelijc gedaen tegen die wet.

* h. zijn lichtuaerdich, ende hebben verloopen vrouwen

5

Die rechtuaerdige HERE int midden van hen, en sal niet onbehoorlijcs doen. ^* Vroech, vroech) sal hi zijn oordeel geuen tot een licht, ^* ende ten sal niet verborgen worden.) Maer die boose en heeft niet willen weten van die bescamenisse

* the. Alle morgen

* th. dien niet en gebreect

6

Ick hebbe vernielt die volcken, ende haer ^* hoeken) zijn verstroyt. ⁺ Ic heb haer wegen woest gemaect, want niemant en isser die daer door gaet. Haer steden zijn verdoruen, ende gheen man en is daer ghebleuen, noch inwoonder.

* th. torrens

+ B

7

Ick ^* heb geseyt, Nochtans sult ghi mi ontsien) ghi sult nemen leeringe met castijnghe. Op dat haer wooninge niet en soude vergaen, om al die dingen daer icse mede versocht heb Nochtans vroech opstaende, hebben si al haer gedachten quaet gemaect.

* th. Ic seyde ghi sult mi alleen ontsien.

8

Daerom seyt die HERE, verwacht mi inden dach ^* mijnder verrijssenisse int toecomende) want mijn oordeel is, dat ic vergaderen sal die volcken, ende ic sal vergaderen die conincrijcken, Ende ic sal op hen storten mijn gramschap, al den toorn mijnder grmscap. ☞ Want al die werelt sal worden verslonden, ⁺ doort vier mijns toorens,

* the. dat ick opstaende vergadere

+ C

9

Want dan sal ^* ic geuen den volcke een wtuercoren lippe) op dat si al sullen aenroepen des HEREN naem ende hem met eender scoudere dienen.

* the ict omwenden ende der volcken lippen reynighen.

10

^* Van ouer die riuiere van Moorenlant, sullen mijn ootmoedige sonen mijnder verstroyder, mi gauen brengen)

* h. Men sal mij aenbidders ende die dochteren mijnder verstroeyder ouer ghene zyde des vloets, des Moorenlants, tot enen spijsoffer brengen

11

Ghi en sult niet worden bescaemt in dien dach van al uwe vindingen, met welcken ghi ouergetreden hebt aen mi. Want dan sal ic wech halen van v midden, die ^* grootsprekers uwer hoouaerdijen) ende ghi en sult niet meer dencken verheuen te worden van minen heylighen berch.

* the. die hen uwer heylicheyt ouernemen

12

Ende ick sal laten onder v een een arm volck, ende behoeftich, ende die sullen hopen inden naem des HEEREN.

13

Die ouerbleue van Israel en sullen niet meer boosheyt doen, noch en sullen gheen luegentael spreken, ende een arghelistighe tonghe en sal niet gheuonden worden, in haeren mondt, [kolom] ⁺ Want si sullen geuoet worden, ende sullen rusten, ende niemant en sal zijn diese veruaeren sal

+ D

14

O dochter van Sion, louet, o Israel verbliijt v o dochter van Ierusalem, weest vrolijck, ende verblijt in al uwer herten.

15

Die HERE heeft wech genomen v ^* oordeel) ende heeft v vianden afghekeert. Die coninck van Israel die HERE, is midden onder v, ghi en sult voort meer tquaet niet vreesen.

* th. straffinghe

16

In dien dach sal worden gheseyt tot Ierusalem, Sion, En wilt niet vreesen, v handen en laet v niet ^* ontbreken)

* the. moede worden

17

Die HERE v God is ^* sterc int midden van v, die sal v gesont maken) Hi sal verbliden op v in vrolicheyt, hi sal ^* swighen in uwer liefden) ende sal verbliden op v in loue

* th. een stercke die helpen can.

* the. v om zijnder liefden wille ouersien.

18

^* Ick sal verghaderen die lueghenaers, die wech geghaen waren vander wet, want si wt v waren, op dat ghi voortmeer niet en hebt lachtere van hen)

* h. Die welcke hen van die hooghe feeste afgetrocken hebben die sal ic te nyete doen, op dat ghi der ontslagen weest daer ghi om versmaetheyt moet liden.

19

Siet, ick sal dootslaen alle die v ghepijnt hebben in dier tijt, Ende ick sal gesont maken den hinckenden, ende ic sal vergaderen die wtgheworpen was, Ende ick salse ^* setten tot loue, ende tot eenen naem, in alle landen haerder bescamenisse)

* h. louelijck maken, ende ter eerren brengen in alle landen daer si te voren in tot scanden ghecomen zijn

20

In dier tijt sal ick v hier brenghen, ende in dier tijt sal ick v vergaderen, seyt die HEERE, ick sal v tot eeren brenghen, ende hoochlijc maken onder alle volcken des aertrijcs, als ic sal bekeert hebben uwe geuanckenisse voor v ooghen.

§ Hier eynt die propheet Sophonias.