De Vorsterman Bijbel

§ Dat .ij. Capit

1

COemt te samen, ^*

* h bekeert v o volck, ghi die gheenen lust daer toe en hebt

2

⁺ ende vergadert v ghi onminlijck volck, eer dit beuel openbaert, als stof dat voorbi gaet die dach) eer [kolom] dat den tooren des HEREN gramscap op v coemt.

+ eer dat oordel wtgaet ende dat ghi wech moet gelijck een caf dat bi claren dage wechuaert

3

Alle ^* sachtmoedige) der aerden soect den HEERE, ghi die gheuraecht hebt zijn oordeel, Soect ^* den rechtuaerdighen, soect den saechtmoedigen) oft ghi mocht eenichsins worden verborgen inden dach des HEREN toorens,

* h. ellendige

* th. gherechcicheyt ende ootmoedicheyt

4

Want Gaza sal zijn ^* verdoruen) ende Ascolon tot een woestijne.

Si sullen wtworpen Azotum inden middach, ende accaron sal worden wtgeroeyt.

* th. verlaten

5

⁺Wee v manslachtich volck, die woont aen die zeestroomen, O Canaan lant der Philistinen, des HEREN woort is op v ende ick sal v verderuen, also dat gheen woonder in v en sal zijn.

+ B

6

Ende die zeestroom sal zijn ^* ruste der herderen, ende hutten der scapen)

* th. een wooninge daer die herderen eten

7

Ende die zeestroom sal zijn den genen die bliuen sal vanden huyse van Iuda voor een deel, daer sullen si gheuoet worden in Ascalons huys, ende totten auont toe sullen si rusten, Want die HERE haer God salse versoecken, ende hi sal afkeeren haer geuangenisse,

8

Ic heb gehoort den lachter Moab, ende lasteringe der kinderen Amon, die si verweten hebben minen volcke ende zijn groot gemaect op haer palen.

9

Daer om seyt die HERE der heyrscaren God van Israel ^* Ic leue, Want) Moab sal zijn als Sodoma, ende die Amons kinderen als Gomorra, droocheyt der doornen ende ^* southoopen) ende woest tot inder eewicheyt Die ouerbleuene mijns volcs sullense beroouen, ende die noch zijn van mijnen volcke, sullense beeruen

* h So waer als ic leue.

* the. soutputten.

10

Want dat sal hen ghescieden, om haer hoouaerdije, daer si mede gheblasphemeert hebben, ende zijn groot gheworden op dat volck des HEREN der heyrscharen.

11

Die HERE sal verscrickelijc op hem zijn, ende sal vernielen alle goden der aerden ^* Ende die mannen) van zijnder plaetsen hem aenbidden sullen, alle eylanden der heydenen.

* th. dat alle man.

12

⁺Maer oock ghi Morianen sult zijn dootgeslagen met mijnen swaerde,

+ C

13

Ende hi sal zijn hant wtsteken op ten noorden, ende hi sal verderuen Assur. En hi sal setten die ^* scoone) in verlatenis, ende sonder wech, ende als een woestijne,

* th. Niniue

14

ende int midden van haer, sullen rusten die cudden, alle beesten der volcken, ende die ^* Onocratulus, ende die Eghel) sullen woonen in haer ^* dorpelen. Die stemme des singers int venster, die rauen inden ouersten dorpel, want ic sal vernielen haer stercheyt)

* the. crucwlen ende craeyen.

* h herren dat geuogelte sal onder den vensteren singhen, die posten sullen verwoest worden ende tscrijnwerc sal afgebroken worden

15

Dit is die heerlijcke stadt, die woont in betrouwen, die seyde in haerder herten, Ick ben, ende buyten mi en is voort meer gheen ander, Hoe sidy geworden in een woestijne? ende een hol der berbeesten? Alle die door haer gaet, salse bespotten, ende roeren zijn hant.

[p. X6v]

§ Hoe Ierusalem van sinen sonden verweten wert, dat si haer schult ende Gods wrake niet en verstonden.