De Vorsterman Bijbel

[p. X5v]

[kolom]

§ Hier begint Sophonias die Propheet.

§ Hoe Hierusalen om der afgoderijen wille verdoruen ende vernielt sal worden. Ende hoe de werelt om haerder sonden wille vergaen sal. Ende vanden dach des oordeels.

§ Dat eerste Capittel.

1

⁺DAt woort des HEEREN, dat gheschiet is tot Sophoniam den sone Chusi, die sone Godolie, des soons Amarie, des soons Ezechie, inden daghen Iosie Amons sone, die coninck van Iuda was.

+ A

2

Vergaderende sal ick vergaderen alle dinck vanden aensicht der aerden seyt die HERE,

3

ende ick sal vergaderen die menschen, ende tvee, die voghelen der lucht ende die visschen der zee, ende goden, die vallen der ongodlijcken sullen zijn, ⁺ Ende die HERE seyt, ick sal oock verderuen die menschen van dat aensicht der aerden.

+ B

4

Ende ic sal wtreycken mijn hant op Iudam, ende op al die in Hierusalem woonen, ende ick sal verstroeyen van deser plaetse die ouerbleuene van Baal, ende die namen der bewaerders metten priesteren

5

ende die gene die aenbeden op die daken dat heyr des hemels, ende aenbeden ende sweren bi den HEERE, ende sweren bi ^* Melchon)

* the. den coninck.

6

die achterwaert keeren vanden HEERE, ende die niet ghesocht en hebben den HERE,

[p. X6r]

noch na hem niet geuraecht en hebben,

7

Swijcht vanden aenscijn ^* Gods des HEREN) want den dach des HEEREN is na bi, Want die HERE heeft ^* bereyt) ende heeft gheheylicht zijn gheroepene.

* th. des heerscapenden heeren.

* th. dootoffer bereyt.

8

Ende het sal zijn inden dach der ^* offeranden) des HEREN, dat ic sal op die princen, ende op der coningen kinderen, ende op al die gecleet zijn met een vremt cleet, versoecken.

* th. dootoffer.

9

⁺Ende ic sal op al die ^* hoouaerdelijck ingaet) ouer den dorpel, in dien dach versoecken, die ^* thuys des HEREN haers Gods) met boosheyt ende bedroch veruullen.

+ C

* h. springet

* h. haers heren huys.

10

Ende die HERE seyt, in dien dach, sal een stemme des roepens zijn, van die poorte der visschen, ende huylinghe van die ander poorte daer bi, ende groote moort vanden hueuelen.

11

Ghi woonders ^* des moortiers) huylt. Al dat volc ^* van Canaan heeft tsamen gheswegen) ende al die ^* inghewonden) zijn met siluer, zijn vergaen

* th. Machtesch.

* th. der hantieringhen is te nyeten

* th. gheladen

12

Ende het sal zijn, in dien tijt, sal ic ondersoecken Hierusalem met laternen, ende sal versoecken op die mannen die ^* gheuesticht zijn) in haeren ghift, die seggen in haerder herten, Die HEERE en sal noch goet doen, ende noch hi en sal gheen quaet doen.

* the. swemmen

13

Ende haer stercheyt sal zijn tot een beroouinghe, ende haer huys tot een woestijne. Ende si sullen timmeren huysen ende die niet bewoonen, Ende si sullen planten wijngaerden, ende niet drincken van haeren wijn

14

Die grooten dach des HEREN is hier bi, hi is na bi, ende haestet zeere. ⁺ Die stemme des daechs des HEREN is bitter, die stercke sal daer ^* ghepijnt worden).

+ D

* the. bitterlijc roepen.

15

Die dach is een dach der gramscapen, een dach des drucs, ende bangicheyt, een dach des ^* armoets ende catiuicheyt), een dach der duysternissen ende donckerheyts, een dach des ^* neuels ende onweders)

* the. onweders ende verwoestinge

* th. wolcken ende neuels

16

een dach des trompets ende ^* geluyts), op die stercke steden, ende op die hooghe ^* hoecken).

* h. alarmens

* th. torrens

17

Ende ic sal die menschen verdriet aen doen, ende si sullen wandelen als blinde, ☞ want si tegen den HERE gesondicht hebben. Ende haer bloet sal worden wtghestort ^* als aerde) ende haer lichaem als dreck.

* th. ghelijck slijck

18

Maer haer siluer ende gout en salse niet moghen verlossen, inden dach der gramscapen des HEREN. Al die werelt sal worden verslonden vanden vyere zijns toorens, die met haesticheyt sal maken een verderffenisse allen creaturen, die op die aerde woonen.

§ Hoe die Propheet tvolc dreychde ende tot berou riep, dat si Gods gramscap ontulieden souden.