De Vorsterman Bijbel

§ Dat .iij. Capittel.

1

§ Des Propheets Abbacus ghebet voor die onwetentheden.

2

⁺HEERE ick heb ghehoort v gheruchte ende ick heb gheureest. HERE maect v werck int midden der iaeren leuendich, Ende maect dat kondt int midden der iaren, Wanneer ghi toornich zijt, so ghedenct der barmherticheyt.

+ A

3

God sal comen ^* vant zuyden), ende die heylighe vanden berch Pharan ^*).

Sijn heerlicheyt heeft die hemelen bedect, ende die aerde is vol zijns loefs.

* the. van Theman

* th. Sela.

4

Sijn scijnsel sal zijn als dat licht, hoornen in zijn handen, Daer is zijn stercheyt verborghen.

5

⁺Die doot sal gaen voor zijn aensicht. ^* Die duyuel) sal wtgaen voor zijn voeten

+ B

* th. Ende een strael.

6

Hi heeft gestaen, ende die aerde heeft hi ghemeten, Hi heeft aengesien, ende ^* ontboden) die volcken, ^* Ende die berghen der werelt zijn tsamen ghebroken, Die hueuelen der werelt zijn ghecromt, vanden weghen zijnder eewicheyt)

* h. verstroeyt

* th. dat deewighe berghen gebroken werden ende dat die hueuelen inder werelt bucken moesten, daer mede bewiset hi dat die ghanghen der werelt sine zijn.

7

Om die sonde heb ick ghesien die tenten ^* van Moorenlant), die vellen des lants Madian sullen verstoort worden.

* h. Chusan

8

Sijt ghi HERE verthoorent ouer die wateren? oft is v gramschap, op die ryuieren, oft is v gramschap in die zee? Ghi die rijdt op uwe paerden, ende v waghenen zijn behoudinghe.

9

Verweckende sult ghi verwecken uwen boghe, naer die eeden die ghi ghesworen hebt den gheslachten ^*) ⁺ Ghi splijtet, dat aertrijck dattet vloet ghaf,

* the. Sela.

+ C

10

Die berghen hebben v ghesien, ende zijn droeuich gheweest, Die stroom der wateren is ouerghegaen, Die afgront heeft ghegeuen zijn stemme, die hoochte heeft op gheheuen zijn handen.

11

Die Sonne ende Mane hebben ghestaen in haer wooninghe, si ^* sullen ghaen) int licht uwer ghescutten, inden schijn uwer blinckender speren.

* the. zijn. ghegaen

12

Ghi ^* sult treden) die aerde met een ghegrim, ende ghi ^* sult veruaren) die volcken in uwer toornicheyt.

* th. hebt getreden.

* the. hebt veruaert

13

⁺Ghi zijt wtgheghaen tot salicheyt ws volcs, ^* tot salicheyt met uwen ghesalfden) Ghi hebt gheslaghen dat hooft van des ongodlijcken huyse, ghi hebt bloot ghemaect zijn fundamenten tot den halse ^*)

+ D

* the. te helpen uwen ghesalfden.

* the. Sela.

14

Ghi ^* hebt [kolom] vermaledijt zijn) sceptren, vanden hoofde van sinen strijders, die comen zijn als eenen wint, om mi te verstroyen, Haer verblijdinghe is, als des ghenen die verslint den armen int heymelick.

* th. vermaledijt sine

15

Ghi hebt ghemaect uwen paerden eenen wech in die zee, int slijck veelre wateren.

16

Ick hebt ghehoort, ende minen buyck is verstoort, ende mijn lippen hebben ghebeeft vander stemmen, Etter ^* moet in mijn ghebeente ingaen, ende onder mi opspringhen, Dat ick mach rusten inden dach des drucs, ende op climmen tot ons op ghescorte volck).

* the. quam in mijn ghebeente, ende ic beefde in mi seluen dat ic den dach des drucss verwachten soude ende tot eenen volcke op trecken dat tegen ons krijgen sal

17

Want die vijchboom en sal niet bloeyen, ende gheen vrucht en sal zijn aenden wijngaerden, Die arbeyt aenden olijfboom sal lieghen, ende die ackeren sullen gheen spijse brenghen. Dat cleyn vee sal worden afghesneden vander scaeps koeye, ende gheen groot beeste der koeyen, ⁺ en sal zijn aender cribben.

+ E

18

Maer ick sal verblijden inden HEERE, ende ick sal vrolijck zijn inden God minen salichmaker,

19

^* God die HERE) is mijn stercheyt, ende hi sal setten mijn voeten als der hinden, Ende die verwinder, sal mi leyden ^* op mijn hoochten, singhende in psalmen).

* th. die heerschapende heere.

* the. op die hoochten, dat ick op mijn snarenspel triumphere.

§ Hier eynt die Propheet Abacuc.