De Vorsterman Bijbel

§ Dat .ij. Ca

1

⁺ICk sal op mijn bewaringe staen, ende sal vestighen mijnen ganck op mijn veste. Ende ick sal bescouwen, op dat ick sien mach wat mi gheseyt wort, ende wat ick antwoorden sal, tot dien die mi berispet,.

+ A

2

Ende die HERE heeft mi geantwoort, ende geseyt Scrijft dit ghesichte ^* ende verclaert dat op tafelen op dat diet lesen sal, ouerloopen mach)

* the. bestendelijc op tafelen. datment gheras lesen mach.

3

want tghesichte is noch verre, ende tsal openbaren int eynde, ende ten sal niet lieghen. Ist sake dattet ontbeyt verwachtet ghi, ⁺ want comende salt comen, ende ten sal niet merren,

+ B

4

Siet die, [kolom] ^* ongheloouich is, zijn ziele en sal niet rechtuaerdich zijn in hem seluen) Maer die rechtuaerdige sal leuen door zijn gelooue,

* th. verbiende, en sal gheen beclaghen daer aen hebben

5

Ende also die wijn den ^* drancker bedriecht, also sal een hoouaerdich mensche zijn, ende en sal niet gheeert worden), Die zijn ziele heeft breet gemaect als die helle, ende is als die doot, die niet veruult en mach worden. Ende heeft alle heydenen tot hem vergadert, ende heeft bi hem alle volcken versaemt.

* h. hoouaerdigen man bedriecht en sal hi niet mueghen bliuen.

6

En sullen alle dese op hem niet een ghelijckenisse nemen ende een sprake zijnder raetselen? Ende men sal segghen, Wee hem, die vergadert, dat hem niet toe en behoort Ende hoe lange, beswaert hi teghen hem dicke slijck?

7

En sullen si niet haestelijck tsamen op staen, die v bijten sullen? ende die v scoeren, sullen verwect worden ende ghi sult hem zijn tot een roof?

8

Want ghi berooft hebt veel heydens, ⁺ so sullen v beroouen alle die ouerbleuen zijn vanden volcken, om dat bloet des menschen, ende om die boosheyt die ghi aent lant, die stadt, ende alle die, die daer in woonen gedaen hebt,

+ C

9

☞ Wee hem die vergadert ^* quade giericheyt sinen huyse), op dat sinen nest hooge si, ende meynt dat hi verlost sal worden van die hant des quaets.

* th. goet, sinen eygen huyse tot ongheluck

10

Ghi hebt bedacht dat tot scande uwen huyse comen sal, ghi hebt bedoruen veel volcs, ende v ziele heeft ghesondicht,

11

Want die steen vander mueren sal roepen, Ende die ghespannen balck des timmers sal antwoorden.

12

⁺Wee hem, die een stadt met bloede timmert, ende bereyt ☞ een stadt met boosheyt.

+ D

13

☞ ^* En zijn dese dinghen niet vanden HERE der heyrscaren? Want dat volck sal arbeyden in veel vyers ende die heydens te vergeefs, ende si sullen ontbreken).

* the. Dit is vanden here der heyrscaren besloten dat des volcs arbeyt den viere tot een deel worden sal ende daer tvolck hem mede bemuet heeft te vergeefs si

14

Want die aerde sal veruult worden, met die bekennisse der heerlicheyt des HEREN, als wateren die die zee bedecken.

15

Wee hem, die sinen vrient te drincken geeft, doende daer in zijn ^* galle) ende maect hem droncken, op dat hi sien mach zijn naectheyt,

* th gramscap

16

Die is veruult met beschaemtheyt voor eere, Drinct ghi nv oock, dat ghi valt in slaepe. Die kelct der rechter hant des HEREN, sal v ombeuanghen, ende die bespouwinghe der beschaemenisse, voor v eere,

17

Want die boosheyt die ghi aen Libano gedaen hebt sal v bedecken, ⁺ ende die verwoestinge der dyeren salse veruaren, om des bloets des menschen, ende boosheyts wille die ghi aent lant, stadt, ende al die daer in woonen, gedaen hebt

+ E

18

Wat batet, dat beelt dat zijn maker heeft gesneden, ende dat ghegoten ende bedriechlic beelt zijn maker heeft ghehoept in zijn maecsel,

[p. X5v]

Op dat hi stomme afgoden maken soude?

19

Wee hem, die seyt totten houte, ontwaect. Ende den stommen steene, staet op. Sal hi yet moghen leeren? Siet, het is ghedect met gout ende met siluer, ende gheenen gheest en is in sinen inghewanden.

20

Maer die HERE, is in sinen heylighen tempel, alle die aerde swijghe van sinen aenschijne.