De Vorsterman Bijbel

[p. X4v]

[kolom]

§ Hier begint die Propheet Abacuc.

§ Hoe die propheet Abacuc op zijn hoede staet ende spreect tot God ende aensiet Christum aenden cruyce. Ende dat die tyrannen Gods gheessel zijn.

§ Dat eerste Cpittel.

1

⁺DIe last den welcken Abacuc die propheet ghesien heeft.

+ A

2

HEERE, hoe lange sal ick roepen ende ghi en wilt niet verhooren Ick sal tot v roepen ghewelt lijdende, ende ghi en wilt niet helpen?

3

Waeromme hebdy mi boosheyt ende arbeyt ghethoont, om te sien roof ende onrechtueerdicheyt teghen mi? ^*Waerom siedy, die versmaders, ende swijghet, ⁺ als die onghenadighe verslint, die rechtueerdigher is dan hi?

Ende maket die menschen als visschen der zee, ende als cruypende dieren, die gheenen leytsman en hebben, ^* Doordeel ende tegensprekinge is machtiger geworden.

* ten is niet int hebre

+ B

* the. Twist ende ghekijf heeft hem verheuen, ende daer om is die wet verslapt

4

Daerom is die wet gescuert) ende dat oordeel en is niet tot den eynde gecomen, Want die ongoddelijcke vermach teghen den rechtuaerdighen, daerom gaet dat verkeert oordeel wt.

5

Aensiet, ende siet onder die heydens ende veruaert v, ende verwondert v, Want een werck is gheschiet in uwen daghen, dat niemant geloouen en sal, wanneert vertelt sal worden,

6

Want siet, ic sal die van Caldeen ver-

[p. X5r]

wecken een bitter volck ende snel, wandelende op die breetheyt der aerden, om te besitten die wooningen die hen niet toe en behooren,

7

Ontsienlijc ende verscriclijck ist ^* Wt hem seluen zijn oordeel, ende sinen last sal wtgaen)

* the. wiens regt ende last slechts voorgaen moet.

8

zijn paerden zijn lichter dan de lupaert ende ^* snelder) dan di auontwoluen, Ende zijn rijders sullen wijde wt ghestort worden. Want zijn rijders sullen van verre comen, ende als een arent sullen si vliegen haestende ^* totten eten).

* th. listiger

* the. tot dat aes.

9

Al sullen si comen totten roof, haer aensicht als ^* eenen barnenden wint) Ende het sal vergaderen, als zant ^* die gheuangenisse,

* h oostwint

* th. die geuanghene, het sal die coninghen bespotten ende die vorsten sullen hem totten gelach zijn.

10

ende het sal triumpheringhe hebben vanden coninghen, ende die tyrannen sullen zijn bespottinghe zijn) Het sal lachen op alle stercke casteelen, ende sal eenen dijck tsamen draghen, ende het salse winnen,

11

Dan ^* sal die geest verandert worden, ende sal door ghaen ende vallen. Dit is zijn stercheyt zijns Gods,

* the. salt den moet verniewen, voort uaren ende hem besondigen ende dese macht sinen gode toeschriuen. Maer ghi O here god mijn heylige, ghi zijt vant tbegin geweest ende en sult ons niet laten steruen

12

En sidi niet HERE vant begin mijn God, mijn heylighe, ende wi en sullen niet steruen)? HERE ghi hebt hem gheset tot een oordeel ^* ende sterc) ende ghi hebt hem gefundeert tot straffinge.

* th. ende steen

13

V oogen zijn suyuer dat ghi tquaet niet en siet, ende ghi en sult tot die boosheyt niet mogen sien, Waerom ^* en siedy niet op die gene die quaet doen) ende swijcht als die ongodlijcke den genen die rechtuaerdigher is dan hi, verslint?

* the. siedi op die quaetdoenders.

14

Ende ghi die menschen maket als visschen der zee, ende als een dyer dat cruypt op die aerde, dat gheenen prince en heeft.

15

Hi heuet al opgheheuen met zijn hengel, ende heeft dat in zijn net ghetrocken, ende heuet vergadert in zijn nette, Daer op sal hi verblijden ende vrolijck zijn,

16

Daer om sal hi sinen nette offeren ende sal sinen nette ^* offerande) doen, Want daer door is zijn deel vet geworden, ende zijn spijse ^* wtuercoren)

* h ruecwerc

* the. ghemestet.

17

Daer om heeft hi zijn nette wtgerect, ende en sal niet ophouden altijt die heydens te dooden.

§ Hoe die Propheet op zijn hoede ende bewaringe staet, op dat hi sien soude wat sinen volcke gescieden soude na die verwoestinghe des volcs ende tempels. Van Christus toecoemst. Van die ghiericheyt, vanden afgoden.