De Vorsterman Bijbel

§ Dat .ij. Capittel.

1

⁺DIe ^* verstroyen sal voor v, is opgheclommen, die die belegghinghe bewaren sal, Ouersiet den wech, sterct v lendenen, sterct zeer die cracht,

+ A

* h. verscuerder sal tegen v hier optrecken, die veste sal belegert worden want die here sal Iacobs heerlicheyt ghelijc die heerlicheyt te voren onder Israel is gheweest wederkeeren, want si sullense suyuer wtleggen,ende haer rancscueten verderuen

2

Want ghelijc die HEERE heeft weder gegeuen die hoouaerdije Iacob, also die hoouaerdije Israel, Want die verwoeysters hebbense berooft, ende haer gheslachten hebben si doen vergaen)

3

Die scilt zijnder stercker is ^* vierich) die mannen zijns heyrs zijn in rooden syden cleederen. ^* Ende die thoomen der waghenen zijn vierich) inden dach zijnder bereydinghe, ende die waghenaers zijn verschrict gheworden.

* the. root

* th. Dat reysigers ghetuych is als viers fackelen.

4

Si zijn verstoort inden weghen, ende die waghenen zijn gebroken inden straten. Haer aensicht als lampen, ende als blixim menichsins loopende.

5

Hi sals zijnder stercken gedencken ende si sullen in haer weghen vallen, Si sullen haestelick die mueren opclimmen, ende die ⁺ tenten sullen worden bereyt.

+ th. bescuddinghen

6

Die poorten der wateren zijn opgedaen, ende ⁺ die tempel is tot der aerden in tween gheuallen)

+ h. tpalays is veruallen

7

Ende die ^* ridder) is geuangen geleyt, ende haer dienstmaechden worden gedreuen suchtende als duyuen, murmureerden in haerder herten.

* the. coninghinne.

8

Ende die wateren van Niniue zijn als een piscine van wateren, Maer si zijn geuloden. Staet staet, maer niemant en is die wederkeert,

9

⁺Rooft wech tsiluer, rooft wech tgout, ende gheen eynde en is der rijcdommen van allen begheerlijcken vaten.

+ B

10

Si is verwoestet, ghesneden ende gheschoert, ende dat herte ontbreect, ende die knien beuen, ende ghebreck is in allen ^* nyeren) ende haer alder aensichten, als die swartheyt des pots.

* th. lendenen

11

⁺Waer is die wooninghe der leuwen? ende die weyde der ionger leeuwen, Totter welcker die leeu ghinc, ⁺ op dat daer die ionghe lew in ghaen soude, ⁺ ende niemant en is daer, die hem verscrict

+ C

+ D

+ Esa. xiij.b

12

Die leew heeft sinen ionghen ghenoech gerooft, ende heeft voor zijn leeuwinnen ge-

[p. X4v]

doot, Ende heeft zijn speluncke gheuult met rooue, ende zijn slaepcamer met tverschoerde.

13

Siet, ick wil tot v, seyt die HEERE der heyrscharen, Ende ick sal uwe waghenen ontsteken totten roocke, Ende tswaert sal uwe ionge leuwen eten, Ende ick sal uwen roof vanden lande te niet maken, ende die stemme uwer boden en sal voortmeer niet ghehoort worden.

§ Van die wreetheyt van Niniue, Ende haer straffinghe, ende haer verwoestinghe, ende van die wreede vernielinghe, Om dat si dandere verdruct hadden, werden si verdruct.