De Vorsterman Bijbel

§ Dat .ii. Capittel.

1

⁺WEe v, die denct onbehoorlicheyt, ende doet quaet in uwen slaepcameren Si volbrengen dat inden morgenstont ^* Want haer hant is teghen den HERE,

+ A

* h. staet dat anders in haeren vermoeghen. Hebben si lust totten velden, soe roouen sise

2

ende si hebben die ackeren begheert, ende si hebbense met ghewelt genomen) ende si hebben die huysen ghenomen, ende hebben den man onrecht gedaen ende zijn huysen, den man ende zijn erffenisse.

[p. X2v]

3

⁺Daerom seyt die HEERE, siet ick, dencke quaet, op dit ^* huysgesin), waer van ghi v halsen niet onttrecken en sult, ende ghi en sult niet hoouaerdich wandelen, want die tijt zeer quaet is.

+ B

* h. geslachte

4

In dien dage sal op v een gelikenis genomen worden, ende ^* een sanc sal gesongen worden met soeticheyt) vanden ghenen, die seggen sullen, Wi zijn woest gemaect, met verderffenis. Mijns volcs deel is verwisselt.

* th. daer sal een beclaginge gheclaecht worden

5

^* Hoe sult ghi gaen van mi, als hi weder coemt die onse lant deylen sal) Daerom en suldy niemant hebben die worpen sal een zeel des lots onder die schare des HEEREN ^* o Israel.)

* thebr. Hoe mocht mi weder van hem geworden, dat wi weder tot onsen velden quamen die hi wtghedeylt heeft

* ten is niet int hebree

6

^* En wilt niet spreken, seggende,

* tg. Si spraken, ghi en sult ons niet propheteren Daerom en soudemen niet propheteren, op dat die scande ongeopenbaert bliue Dat zijn de woorden daer iacobs huis mede omghaet. Hoe, is des Heren wille so cort.

7

Iacobs huis seit, ten sal op desen niet druipen, dese beschaemtheit en salse niet omuangen, ⁺ Is die gheest des HEEREN vercort,) oft zijn zijn gedachten sodanich? En zijn mijn woorden niet goet, metten genen die oprecht wandelt?

+ C

8

Ende hier tegen, mijn volc is tegen mi als tegen eenen viant opgestaen, Ghi hebt den mantel ende den roc wech genomen ^* ende die simpeliken door ghingen hebt ghi tot strijt gekeert)

* th. den ghenen die sonder sorghe voorbi ginghen, als waren si den crijch ontloopen.

9

Ghi hebt die vrouwen mijns volcs wtgeworpen, vanden huyse haerder weelden, ende ghi hebt mijn lof inder eewicheit van haeren cleynen kinderen genomen,

10

Staet op, ende gaet, want ghi en hebt hier gheen ruste Om haer onreynicheit sal si ^* verdoruen worden, met die quaetste vuylicheyt,

* th. met geweldighen bruecke gebroken worden, waer ic een man die metter locht omme ghinck ende bedroch voorleyde dat ic v op wijn ende brassinghe propheteerde, dat ware een propheer voor dit volck.

11

Och oft ic niet een man en ware eenen gheest hebbende ende dat ic sprake lieuer lueghentael, Ic sal v druypen in wyn ende in dronckenscap, ende dit volc salt sien op wien het druypet)

12

⁺Ick sal Iacob vergaderen, geheel in een vergaderinge, ick sal v, ghi ouerbliuinge van Israel in een tsamen brengen, Ic sal hen tsamen setten als een kudde, in een scaepscoye, als dat vee, int midden der scaepstallen, Si sullen verstoort worden van veelheit der menschen,

+ D

13

Want hi sal opclimmen openbarende den wech voor hen ^* Hi sal deelen ende door die porte) ghaen, ende sullen door haer wtgaen, Ende haer coninc sal voorgaen voor hen, ende die HERE in haeren hoofde

* h. Si sullen die poorte op breken, ende door

§ Van die wreetheit der Princen, Teghen die valsche predicanten, ende leeraers.