De Vorsterman Bijbel

[p. X2r]

§ Hier beghint die propheet Micheas

§ Hoe Micheas die propheet van die verschrickelicheyt des toecomende rechters propheteerde ende dat Samarien vergaen sal, om der afgoden wille beweent die propheet, Ende seyt den anderen Ioden te beweenen.

§ Dat eerste Capittel.

1

⁺DAt woort des HEEREN dat tot Micheam den Morastijt geschiet is, in Ioathams dagen Achas, ende Ezechie der Coningen van Iuda, dat hi gesien heeft op Samarien ende Ierusalem.

+ A

2

Hoort alle volcken, ende die aerde ende haer volheyt moet aenmercken, ^* ende God die HERE) moet v zijn tot een getuyge, die HEERE van sinen heyligen tempel,

* h. heerscappende heere

3

Want siet, die HERE sal wtgaen van zijnder heyliger plaetsen, ⁺ ende hi sal neder dalen, ende sal treden op die hoocheden der aerden.

+ Esa. xxvi.

4

⁺Ende die bergen sullen ^* verteert worden) onder hem, ende die dalen sullen splijten, gelijck was van die tegenwoordicheit des viers, als wateren die haestelijc nederloopen,

+ B

* th. smilten

5

Alle dit sal zijn, om die sonde van Iacob, ende om de son-[kolom]den des huys van Israel. Welc is die misdaet van Iacob? Ist niet Samarien? Ende welck zijn die hoochten van Iuda? Ist niet Ierusalem?

6

Ende ick sal Samarien setten, als eenen steenhoop inden acker ^* wanneer die wijngaert geplant wort) Ende ic sal haest eenen aftrecken in dat dal, Ende ick sal haer fundamenten ontdecken,

* th. Ende tot eenen wijngaert

7

Ende alle haer afgoden sullen worden tsamen intwee gesneden, Ende alle haeren loon sal gebrant worden metten viere, Ende ic sal al haer afgoden ^* in verderffenisse setten) want si van gemeyn wiuen loon vergadert zijn, ende sullen wederkeeren tot ghemeyn wiuen loon.

* th. verwoesten

8

⁺Hier af sal ic weenen ende huylen, Ic sal berooft gaen ende naect, Ic sal een kermen maken als der draken, ende een screien als der ^* struicen)

+ C

* th. ionghe struycen

9

Want gheen hope en is tot haerder wonde, want si is tot Iuda gecomen, ende heeft die poorte mijns volcs tot Ierusalem gheroert.

10

En willet niet bootschappen in Geth, en wilt niet weenen, Inden huysen ^* des ghestofs bestroyt v met ghestof),

* th. wentelt v int huys Aphra int assen omme.

11

Ende ghaet voor v ouer ^* ghi scoone wooninge) bescaemt met schande, Si en is niet wtghegaen ^* die woont inden wtghanck) Dat huys uwer gebuerinnen ⁺ sal van v die schreijnge ontfangen, die haer seluen gestaen heeft,

* th. stil sittende Schaphir

* th. stil sittende zaenan

+ D

12

want si is cranck gheworden int ghoet, die ^* woont in bitterheden,) Want dat quaet is nedergheuallen vanden HEERE in die poorte van Ierusalem

* the. stilsittende Marath

13

^* dat geruchte der wagenen is een verwonderinghe der ghenen, die in Lachis woonen) Der dochtere van Sion is si een beghin der sonden, Want in v die sonden van Israel gheuonden zijn.

* the. O stilsittende Lachis spant de loopers in die waghenen

14

^* Daeromme sal hi oorloochs mannen geuen, op die erffenis Geth, ende op die huysen des luegens, in bedriegenisse den coningen van Israel) Noch sal ic v een erfgenaem toe leyden

* th. om dat ghi Iuda die v Gath verworuen heeft, den wateren Siloah geleken hebt, so sullen Achsibs huysen aenden coninc van Israel vallen

15

^* ghi die daer woont in Maresa) Ende die heerlicheyt van Israel sal comen tot Odollam,

* the. O ghi stilsittende Morescha

16

Maect v bloot van har, ende besceert v op ^* die sonen uwer wellusten) Maect breet v caluheyt ghelijc een Arent, want si zijn ^* van v gheuanghen gheleyt.

* th. uwe teedere kinderen

* th. verdreuen

§ Van des volcs sonden die die wrake verwecken, ende hi verworpt die ghene, die op die hope sondighen, Ende ghebiet Godt te volghen, Ende die propheet heeft medelijden, met sinen volcke.