De Vorsterman Bijbel

§ Dat .iij. Capittel.

1

ENde ic heb geseyt, Hoort ghi princen van Iacob, ende hertogen des huis van Israel, En hoort v niet toe doordeel te weten,

2

ghi die tgoet hatet ende bemint tquaet die met gewelt afneemt dat vel van hen, ende haer vleesch van haeren beenen?

3

Die dat vleesch mijns volcs gegeten hebben, ende daer bouen haer huit af geuilt, ende haer gebeente gebroken, ende ghedeelt als stucken in eenen pot, ende als vlees in eenen ^* pot,)

* thebr. ketel

4

Dan sullen si tot den HERE roepen, ende hi en salse niet verhooren [kolom] ende hi sal zijn aensicht van hen verbergen in dien tijt, so si scadelic gedaen hebben met haeren vindingen.

5

⁺Die HERE seyt dit, op die propheten die mijn volc verleyden, ☞ Die met haeren tanden biten, ende vercondigen vrede? Ende ist dat hen yemant in haeren mont niet wat en gheeft so heyligen si op hen eenen strijt,

+ A

6

Daerom sal v den nacht zijn voor v ghesichte, ende die duysternisse voor v prophecie, ende die Sonne sal ondergaen op die propheten, Ende dien dach sal verdonckert worden op hen.

7

Ende die gesichten sien, sullen bescaemt worden, ⁺ ende ooc die waerseggers, sullen bescaemt zijn, Ende si sullen al haer aensichten decken, Wanter de antwoorde Gods niet en is.

+ B

8

Nochtans ben ic veruult met stercheit des gheests des HEREN, met oordeel ende cracht, dat ick Iacob zijn sonden bootscappen soude, ende Israel zijn misdaet,

9

Hoordt dit ghi princen des huys Iacob, ende ghi ^* rechters) des huis van Israel, die dat oordeel versmaet, ende al dat recht is, verkeert ghi,

* th. ouerste

10

Die Sion timmert met bloede, ⁺ ende Ierusalem met die boosheyt.

+ Eze. .xxij.f Soph. iij.d

11

⁺Haer princen hebben geoordeelt om gauen, ende haer priesters hebben om loon geleert, Ende haer propheten hebben gepropheteert om ghelt, ende si hebben opten HERE gerust seggende, En is de HERE niet int midden van ons? ⁺ Daer en sullen geen quade dingen op ons comen,

+ C

+ D

12

Daerom, om uwent wille, sal Sion geploecht worden als eenen acker, ende Ierusalem sal zijn als eenen steenhoop, ende den berch des tempels, tot die hoocheden der bosschen.

§ Van die coecoemste Christi met zijnder Euangelischer leeringe, ende uolcke ende heydenen.