De Vorsterman Bijbel

§ Dat .vij. Capittel

1

⁺GOd die HERE heeft mi dese dingen gethoont, Ende siet ^* die maker der sprinchanen int beginsel der spruyten, ouermidts den auont regen) ende siet, den auonts regen na des conincs ^* sceeringe).

+ A

* the. hi sciep sprinchanen doen dat coren begonst inde harenen te comen

* th. maijnge

2

Ende tis gesciet, als si voleyndt hadden te eten dat cruyt der aerden, heb ic gesproken. HERE God ic bidde weest ghenadich, Wie sal Iacob ^* verwecken) want hy cleyn is?

* th. ophelpen

3

Die HERE heeft daer op ontfermt Ten sal niet zijn, seit de HERE.

4

Ende die ^* HERE God) heeft mi dit ooc getoont, Ende siet ^* God die HERE) riep dat oordeel totten vier ende het verslonde veel diepten, ende heeft tsamen gegeten een ^* deel)

* th. heerscappenpe Here

* th. heerscappende Here

* th. stuck ackers.

5

Ende ic heb geseit ^* HERE God) ick bidde rustet. Wie sal Iacob ^* verwecken) want hi cleyn is.

* th. heerscappende Here

* th. ophelpen

6

Ende die HERE heeft daer op ontfermt,

7

⁺Ende dye HERE heuet mi dit gethoont. Ende siet die HERE stont op eenen muer ^* besmeert met calc, ende in zijn hant was een trouweel des metselaers)

+ B

* h. die te loy stond, ende in zijn hant was een metsers loot

8

Ende die HERE heeft geseyt tot mi. Wat siet ghi Amos? Ende ic seyde. Een ^* trouweel des metselaers) Ende die HERE heeft geseyt. Siet ic sal setten een ^* trouweel) int middel mijns volcs van Israel. Ic en sal voortmeer nyet toe doen op hem te ^* leyden)

* h. metselaes loot.

* theb. metselaers loot

* th. ouersien

9

⁺Ende die hoochten des afgods sullen worden verdoruen. Ende die heylichmakinghen van Israhel sullen woest worden. Ende ic sal opstaen op Ieroboams huys metten swaerde.

+ C

10

Ende Amasias de priester van Bethel, heeft gesonden totten coninc van Israel Ieroboam, seggende. Amos ^* is tegen v opgestaen int middel des) huys van Israel, Dat lant en sal niet moghen verdragen alle zijn woorden.

* the. heeft een verbont gemaect tegen v onder dat.

11

Want dit seyt Amos Ieroboam sal steruen metten swaerde, ende Israel sal ^* gaen geuangen) wt sinen lande.

* th. verdreuen worden.

12

Ende Amasias heeft geseit tot Amos. Ghi siender gaet, ende vliet int lant van Iuda, ende eedt daer broot, ende ghi sult daer propheteren,

13

ende ghi en sult voortmeer niet in Bethel propheteren, Want hier is die heylichmakinge des conincs ende dat huys des rijcs.

14

⁺Ende Amos heeft geantwoort, ende geseyt tot Amasiam. Ic en ben geen propheet noch propheten sone. Maer ic ben een die met beesten omgaet, ende ic ^* schelle die wilde vijchboomen).

+ D

* the. plucke de wilde vighen af.

15

Ende God die HERE heeft mi genomen, als ic die beesten volchde, ende die HERE heeft geseyt tot mi. Gaet ende propheteert tot mijn volc [kolom] van Israel.

16

Ende nv hoort des HEREN woort Ghi segghet, ghi en sult niet propheteren op Israel, ende niet druypen opt huys ^* des afgods)

* th. Isaac § Isaac een gelach ende een afgodt heet daerom Isaac want hy is weert te belachen

17

Daerom seyt die HERE. V wijf sal oncuysheyt doen inder stat, Ende uwe sonen ende dochteren sullen vallen metten swaerde, ende v lant sal metter coorden ghedeylt worden, Ende ghi sult steruen int beulecte lant, ende Israel sal geuangen zijnde verhuysen van zijn lant.

§ Hoe Amos een korfken met appelen sach, ende van die snelheit der wraken tegent volc, Van die giericheit des volcs, Van dat liden des Heren, Vanden honger des woorts gods.