De Vorsterman Bijbel

§ Dat .viij. Capittel.

1

⁺GOd die HERE heeft mi dit ghetoont Ende siet, een korfken met ^* appelen) Ende heuet geseyt.

+ A

* th. ontidige vighen

2

Amos wat siet ghi? Ende ic heb geseyt. Een korfken met ^* appelen) Ende de HERE heeft geseyt tot mi. Dat eynde is gecomen op mijn volc van Israel. Ic en ^* salder niet meer toe doen dat ic hem voor bi sal gaen)

* th. ontidige vighen

* the. sal hen niet meer ouersien.

3

Ende dye ^* HERE God seit. Die harren des tempels sullen kerren) in dien dage. Veel ^* sullender steruen, ende in allen plaetsen sal tswijghen gheworpen worden)

* th. heerscappende Heere seit, tgesange des tempels sal huylen

* th. doode lijken sullen in alle plaetsen zijn, ende men sal segghen. worpt wech ende swijcht stille.

4

Hoort dit ghy die den armen verdruct, ende doet die behoeftige der aerden verderuen,

5

seggende. Wanneer sal die maent ooc voor by gaen, dat wi sullen vercoopen ons ^* comenschap, ende die Sabboth) dat wi sullen voort doen onse tarwe, op dat wi mogen verminderen die ^* maet) ende vermeerden den sicle, ende insetten valsche gewichten.

* the. graen ende dat vrij iaer

* th. Epha

6

Op dat wi besitten mogen met siluer, die behoeftige, ende den armen om scoenen, ende mogen vercoopen ^* tcaf) des tarwes)

* th. gescoten coren.

7

Die HERE heeft gesworen van Iacobs houaerdie, ⁺ ic en sal niet vergeten totten eynde alle haer wercken,

+ Leuiti. xxiij Leuiti. xxv.

8

⁺En sal van desen dinc niet beroert worden die aerde, ende en sal niet screyen alle die inwoonder der aerden? Hi sal ^* opclimmen) als een geheel vloet, ende sal worden wtgeworpen, ende neder vloeyen ghelijc die riuiere van Egipten? ⁺

+ B

* th. ouerloopen.

+ Tobie. ij. Machab. i.

9

Ende die HERE seyt, in dien daghe salt zijn, dat die Sonne sal ondergaen inden middach, ende ic sal die aerde inden claren daghe doen verdonckeren.

10

⁺Ende ic sal veranderen uwe feestdaghen in schreyen, ende alle uwe sanghen in karmen. Ende ic sal op uwer alder ^* rugge) doen brengen eenen sack, ende op alle hooft, blootheyt van hare. Ende ic sal hen setten schreyen als eens eenichs soons, ende haer vterste, als eenen bitteren dach.

+ C

* th. lendenen.

11

Siet die dagen comen, seyt die HEERE, ende ick sal seynden hongher inder aerden, niet hongher des broots, noch dorste des waters, Maer te hooren des HEEREN woordt,

12

ende si sullen beroert worden, van zee totter zee, ende

[p. V8v]

sullen omgaen vant noorden totten oosten, ende sullen soecken des HEREN woort, ende si en sullent niet vinden.

13

In dien dage sullen die scoone maechden ende iongelingen ontbreken van dorste,

14

die nv sweeren bi die ^* misdaet) van Samarien, ende seggen. O Dan ^* uwe God leeft, ende die wech van Bersabee leeft. Ende si sullen vallen) ende voortmeer niet weder op staen.

* th. scult

* the. so waer als uwe god leeft ende o Bersaba, so waer dat leeft tot welken men gaet, opten wech tot Bersaba so sullen dese vallen.

§ Vanden val des tempels ende des stats, om der giericheit wille, Ende datmen der hant Gods niet ontloopen en can Ende van die vernieuwinge des tempels ende van die vruchtbaere kercke.