De Vorsterman Bijbel

§ Dat .vi. Capittel.

1

⁺WEe v, ⁺ die rijck zijt in Sion Ende betrouwet op tgeberchte van Samarien Ghi opperste ende hoofden der volcken, dye houaerdelic ingaet int huys van Israel,

+ A

+ Luce. vi.d.

2

Gaet in Calne, ende siet, ende van daer gaet in groote Emath Ende daelt neder in ^* Geth) der Palestinen, ende totten besten conincrijken van deser, of haer lantpale, breeder is dan v lantpale,

* the. Gath

3

Ghi die afghescheiden zijt tot eenen quaden dach, ⁺ ende genaect den throon der boosheyt,

+ B

4

Dye slaept in yuoren bedden, ende ^* hebt wellust in uwen gespreyden bedden)

* th. op uwe wellustige bedden v wt strect.

5

Die etet ^* tlam) vander cudden, ende die calueren van ^* tmiddel der beesten. Die singet totter stemmen des psalters. Als Dauid hebben si gemeynt te hebben die vaten des sangs)

* the. scapen.

* th. die cribbe ende op de psalters spelen, ende verdencken snarenspel ghelijc Dauid

6

Ende droncken den wijn wt ^* flesschen) ende waren besmeert met die costelijcste salue, Ende en hadden gheen medelijden op Iosephs schade

* the. schalen

7

Daeromme sullen si nv ^* verhuisen inden hoofde der ghenen die ouergeuoert worden) Ende die muterije der wellustigher oncuyscher menschen sal wech genomen worden.

* the. onder dye verdreuene, dye voorste zijn

8

^* God die HEERE) heeft gesworen bi zijnder zielen, seit die HERE die God der heyrscaren, Ic versmade Iacobs houaerdie, ende ic hatede zijn ^* huysen) ende ick sal die stadt met haeren inwoonders ouergheuen,

* th. die heerscappende Heere

* the. palleysen

9

Ende ist ooc datter ouerbleuen zijn thien mannen in een huis, ⁺ ende die sullen steruen,

+ C

10

Ende ^* zijn naeste sal hen wech nemen, ende barnen hen) om dat hi wtdragen soude zijn gebeente vanden huyse Ende hi sal seggen den genen dye int binnenste des huys is. Isser yemant meer bi v?

* th. een van sinen ooms oft dye hen vanden brant verlossen wilt, sal hen op hem nemen.

11

Ende hi sal antwoorden, Het is deynde, Ende hi sal hem seggen, Swiget ^* ende en gedenct niet) des HEREN naem,

* th. want si en wilden toch niet datmen gedachte.

12

Want siet, die HERE heeft gheboden dat hi sal slaen dat groote huys met ^* vallende verderffenissen) ende dat minste huis met splijtingen,

* h. splinteren

13

Mogen die paerden loopen in de steenroetsen? oft machmen daer op ploegen met ^* buffelen?) Want ghi verandert hebt dat recht in ^* bitterheyt,) ⁺ Ende die vrucht der rechtuaerdicheit in alsen

* th. runderen

* the. galle.

+ D

14

Die verblijt in niet ende segt, En hebben wy ons niet in onser cracht aenghenomen horenen?

15

Want siet, spreeckt die HERE God der heyrscaren, Ic sal ver-

[p. V8r]

wecken op v een volc, o huys van Israel, ende sal v in ^* stucken wriuen) vanden inganc van Emath totter riuieren ^* der woestinen).

* th. verdringen

* th. blacken velde.

§ Hoe Israel door die van Assirien gedestrueert wert, ende Iuda door Nabuchodonosor, ende hoe Amos sach dat dye stat weder gemetst wert, Ende vanden priester Amasia die den prophete Amos wederseyde.