De Vorsterman Bijbel

§ Dat .v. Capittel

1

⁺HOort dit woort, dat ic op heffe op v een beweeninge, o huys van Israel, Dye maecht van Israel is geuallen, ende en sal niet toe doen om weder op te staen,

+ A

2

si is geworpen op haer aerde, ende niemant en is diese ophelpen sal,

3

Want dit seyt ^* God die HERE) Die stede daer duisent wt gingen, daer sullender maer hondert achtergelaten worden, ende daerder .c. wtgingen, sullen achtergelaten worden in haer thien, inden huyse van Israel,

* h. heerscappende heere

4

Want dit seit God die HERE den huise van Israel. Soect mi, ende ghi sult leuen,

5

ende en wilt niet soecken Bethel. En wilt niet gaen in Galgalam, ende en wilt niet ouergaen in Barsabee, ⁺ want Galgala sal ^* worden geleyt geuangen, Ende Bethel sal zijn onprofitelic,)

+ B

* th. moeten wandelen. Ende BethEl moet te niet worden

6

Soect den HERE, ende leeft, op dat niet bi auontueren Ioseps huys, als een vier en worde verbrant, ende sal verslinden, ende niemant en sal zijn die Bethel blusscen sal,

7

Ghi die verandert dat recht in alsene, ende laet inder aerden rechtuaerdicheyt.

8

Die maect dat

[p. V7v]

seuen ghesterte ende den wagen des hemels, ende verandert die duysternissen in die morgenstont, ⁺ ende verandert den dach in den ⁺ nacht) Die die wateren roept der zee, ende stort die wt op die breetheyt der aerden, ⁺ Die HEERE is sinen naem.

+ Iob. ix.

+ th. donckeren nacht

+ C

9

Die belacht die verwoestinge op den stercken. Ende brengt op den ^* machtigen) die verderfenisse.

* the. vesten.

10

Si hebben gehaet diese berispten inder poorten, Ende si hebben versmaet dengenen de oprechte dingen sprac,

11

daerom want ghi ^* berooft) hebt den armen ende genomen hebt ^* den wtuercoren roof) van hem, Soo suldi timmeren husen met ^* viercanten) stenen, ende ghi en sult daer niet in woonen, ⁺ Ghi sult planten die alder waerdichste wijngaerden, ende en sult niet drincken haeren wijn,

* th verdruct

* th. dat coren

* th. ghehouwen.

+ D

12

Want ic heb bekent vele uwe sonden, ende uwe machtige misdaden, Die vianden der rechtueerdigen zijt, die gauen neemt, ende verdruct dye armen ^* inder poorten)

* § Onder die poorten plach Israhel recht te doen

13

Daer om sal die wijse swigen, in dien tijt, Want die tijt ^* quaet is)

* h. sal quaet zijn.

14

Soect tgoet, ende niet tquaet op dat ghi moecht leuen, Ende die HERE der heyrscharen v God, ⁺ sal met v zijn, als ghi geseyt hebt.

+ Psal. xvi.c. Rom. xxi.c

15

Haet tquaet, ende bemint tgoet, ende bestelt inder poorten doordeel, op dat bi auontueren die HERE der heyrscaren dye God ontfermen wilde, ouer die ouerbleuene van Ioseph,

16

⁺Daerom dit seit die HERE der heyrscaren die heerschapper, In alle straten sal zijn beweeninge, ende in alle steden die buyten zijn, sal worden geseyt, Wee, wee, Ende si sullen roepen den ackerman tot beclagen, ende tot kermen de gene die connen beclagen

+ E

17

Ende in allen wijngaerden sal zijn beclaginghe, want ic sal doorghaen int middel van v seyt die HERE.

18

Wee den ghenen die den dach des HEREN begheren, Waer toe sal hi v? Desen dach des HEREN sal zijn duysternisse ende gheen licht,

19

Gelikerwijs als een man vliedt vanden aenschijn eens leeuwen, ende hem te gemoet coemt een beyr, ende coemt in zijn huys, ⁺ ende leent met zijn hant op die wandt ende hem een slange bijdt, ⁺

+ F

+ Mala. ij.

20

Sal dien dach des HEREN niet duisternisse zijn, ende gheen licht, ende donckerheyt, ende gheen schijn in hem?

21

Ic heb gehaet, ende verworpen v feestdagen, ende ic en sal niet ontfanghen den rueck uwer scharen.

22

Al ist ooc dat ghi mi brenghet brantoffer ende uwe ^* gauen) So en sal icse niet ontfangen, ende ic en sal niet aensien ^* die begeerten uwer vetter beesten)

* h. spijsoffer

* th. uwe vette veeofferen.

23

Neemt van mi, dat gheruchte uwer liedekens, ⁺ Ende ic en sal niet hooren die sangen uwer ^* lieren.)

+ G

* the. orglen

24

Ende so sal doordeel worden geopenbaert als water, ende rechtuaerdicheyt, als een stercke riuiere, O ghi huys van Israel,

25

Hebdi mi ooc geoffert ^* offerande ende offer) inder woestinen veertich iaer? [kolom]

* the. dootoffer ende spijsoffer.

26

Ende ghi hebt gedragen ^* den Tabernakel Moloch uwen God) Ende dat beest uwer afgoden, Die sterren ws Gods ^* Rempha) ende die beelden die ghi v ghemaect hebt om aen te bidden,

* th. Sucuth uwen coninc Actu. vij.c.

* Ten is niet in theb.

27

Ic sal v doen verhuysen, ouer Damascum, seyt die HEERE, wiens naem is Godt der heyrscharen

§ Tegen die ouerste des volcs die weeldich waren, Van die verwoestinge ende vernielinge iuda ende Israel, die welcke dat recht wilden veranderen