De Vorsterman Bijbel

§ Dat .iiij. Capittel.

1

⁺HOort dyt woort ghy ^* vette coeyen,) die zijt op die berghen van Samarien, die onrecht doet den armen, ende breket te samen die behoeftige) Die daer segget uwen Heeren, Haelt ende laet ons drincken

+ A

* th. kinderen van Basan

2

^* God die HERE) heeft gesworen ^* in sinen heyligen,) want siet, die dagen sullen comen op v, ende ^* si sullen v opheffen metten sprieten, ende uwe ouerbliuinge in heeten siedende potten)

* h. heerscappende heere

* th. by zijnder heilicheyt.

* th. men sal v met scuytkens, ende uwen nacomelinghen in vischers boten wech voeren.

3

Ende ghi sult wtgaen door die schoeren ^* die een teghen den anderen. Ende ghi sult worden gheworpen in Armon) seyt dye HEERE.

* h. een yegelijc ten naesten voor hem ende die heerlicheyt van v worpen

4

Coemt tot Bethel, ende doet ongoddelic, Tot Galgala, ende vermenichfuldicht die ouertredinge, Ende offert des morgens uwe ^* offeranden) ende uwe tienden ^* drie dagen)

* the. doot offeren

* the. tot aenden derden dach

5

Ende offert vanden gedeesemden, lof ende roept vriwillige offerande wt, ende booscappet, Want aldus hebdijt begeert, seit God die HERE, ghi sonen van Israel,

6

Daerom heb ic v gegeuen ^* boomicheyt in die) tanden, in alle uwen steden, ⁺ ende gebrec des broots in alle uwe plaetsen, Ende die HERE seyt, ghi en zijt niet wedergekeert tot mi,

* the. suyuerheyt der

+ B

7

Ende ic heb verboden den [kolom] reghen, doent noch drye maenden waren totten oost, ⁺ Ende ic hebt doen regenen op die een stede, ende op die ander stede niet ^* Dat een deel) is bereghent ^* ende dat ander daer gheenen regen op en viel, is verdorret)

+ C

* the. die een acker

* theb. die ander acker bleef onbereghent ende verdorrede

8

Ende twee ende drie steden zijn gecomen tot een stadt, om dat si souden water drincken, ende si en zijn niet verzaet, Ende die HERE seyt, Ghi en zijt niet weder gecomen tot mi,

9

Ic heb v geslagen met eenen ^* barnenden wint, ende met eenen storm der lucht) die menichte uwer houen, Ende uwe wijngaerden, uwe olijfboomen, ende uwe vijchbomen, hebben die rupsen gegheten, Ende ghi en zijt niet tot mi gekeert, seit die HERE

* the. hagheslach, ende met een vlage

10

Ic hebbe in v gesonden die ^* doot) inden wech van Egipten, Ic heb v ionghen geslagen metten swaerde, tot die geuangenisse uwer paerden, ⁺ Ende ic heb ^* die onreynicheit) uwer heyrscharen doen opclimmen voor uwe nuesen, Ende die HERE seit, Ghi en zijt niet weder ghekeert tot my.

* th. pestilencie

+ D

* th. den stanc

11

Ick heb v omgekeert, gelijc God Sodomam ende Gomorram omgekeert heeft, ende ghy zijt geworden, gelijc een brant dyemen wt trect vanden brande, Ende die HERE seit, Ghi en zijt niet wederghekeert tot mi,

12

Daerom o Israel, sal ic v dese dingen doen, Ende als ic v dit gedaen sal hebben, o Israel so bereyt v, om te gemoet te gaen uwen Gode,

13

Want siet, hi maect die bergen, ende schept den wint, ende bootschapt den mensche zijn ^* sprake), Ende maect ^* des morgens den neuel) ende gaet op dye hoocheyt der aerden sinen naem is, HEERE God der heyrscharen.

* th. voornemen

* the. den morgen ende dye duysternisse

§ Van Israels eewighe gheuangenisse, om der afgoden wille, Ende hi roeptse weder tot God, Van die drie plagen, Van die verworpinge der feestelijcken dagen offerhanden, ende van haer afgoderije.