De Vorsterman Bijbel

§ Dat .iij. Capittel.

1

⁺GHi kinderen van Israel hoort twoort dat die HERE gesproken heeft op v, ende op alle gheslachten die ic wtgheleyt hebbe vanden lande van Egipten, ⁺ seggende.

+ A

+ Iob. vi.a.

2

Ic heb v alleen bekent wt allen geslachten der aerden, daerom sal ic besoecken op v alle uwe ^* boosheden)

* th. misdaden

3

Sullen twee tsamen wandelen, ten si dat ^* hen bequaem is?)

* th. si eensins zijn.

4

Sal een leeu briesschen int bosch, ten si dat hi eenen roof heeft? ⁺ Sal een ionge leeu geluyt geuen van sinen hole ten si dat hi wat geuangen heeft.

+ Esa. xliiij.

5

⁺Sal een vogel vallen inden stric opter aerden, sonder ^* vogelaer?) Sal die stric opghenomen worden vander aerden, eer hi wat gheuangen heeft?

+ B

* th. daeraen de struycke ben

6

Sal die trompette geluyt maken inder stat, ende dat volc en sal niet vreesen? Sal daer eenich quaet zijn inder stat, dat de HERE niet gedaen en heeft?

7

Want God die HERE en sal geen woort doen, ten si dat hi openbaert zijn verholentheit

[p. V7r]

sinen knechten den propheten,

8

⁺Die leeuwe sal briesschen, wie en sal niet vreesen? ^* God die HERE) heeft gesproken, wie en sal daer niet propheteren?

+ C

* h. heerscappende heere

9

Latet hooren inden ^* husen) tot Azotem, ende in des lants van Egypten ^* huysen) Ende segt, Vergadert v op die bergen van Samarien, ende siet, ^* veel raserien int middel van hen, ende valsce besculdige int binnenste van hen)

* h. palleisen

* h. palleisen

* the. eenen grooten moort ende bedwangenisse onder hen

10

Ende die HERE seit, si en hebben niet geconnen recht doen, ende hebben vergadert boosheyt, ende roouen in haer ^* huysen,)

* h. palleisen

11

Daerom seyt dit ^* God die HEERE,) Dit lant sal worden ^* gequelt ende om begaen, ende uwe stercheit sal van v worden neder getogen, ende uwe huysen) sullen berooft worden,

* h. heerscappende heere

* th. alomme beleghert, ende men sal v van uwer machte stoten ende uwe palleysen

12

Dyt seyt die HERE, Gelijc een herder onttrect wt des leeuwen mont twee ^* beenen, ⁺ oft duyterste van een oore,) also sullen die kinderen van Israel worden onttrocken, die daer ^* woonen in Samarien inden lande des beddes, ende int bedde van Damasco.)

* theb. knien oft een oorlapken.

+ D

* th. een bedtstede in Samarien, maer in Damasco een betsponde hebben

13

Die ^* HERE God) der heyrscaren seit, ⁺ hoort ende betuyget in Iacobs huis,

* h. heerscappende heere

+ ij.Reg. xiij.

14

want in dien dage, als ic sal beghinnen te versoecken die ouertredinge van Israel, op hem sal ic ooc versoecken, op die outaren van Bethel, ende die horenen des outaers sullen worden af gehouwen, ende sullen vallen opter aerden,

15

Ende die HERE seyt, Ic sal slaen dat winter huys metten somer huys, ende die yuoren huysen sullen vergaen, ende veel huysen sullen worden verdoruen.

§ Hoe die ouerste ghestraft werden, wordende geleken den vetten koeyen, Ende van die hartheit des volcs, dat si niet dicwils berou en bewisen