De Vorsterman Bijbel

§ Dat .ij. Capittel.

1

⁺DIt seyt die HERE ^* Opten drien sonden van Moab, ende opten vieren en sal ic hem niet bekeeren) daerom want hi heeft verbrant die gebeenten des Conincs van Idumeen tot asschen,

+ A

* h. sal moab .iij. scalcheden vergeuen na die vierde en sal icse nymmermeer opnemen.

2

Ende ic sal een vier seynden in Moab, ende het sal verslinden die ^* huysen) van Carioth, ende Moab sal steruen inden geluyde der trompetten gheclanc,

* th. pallaysen

3

ende ic sal verstroyen die rechteren van zijn middelt, ende ic sal dooden alle zijn princen met hem, seyt die HERE.

4

Dit seyt die HERE. ^* Opten drie sonden van Iuda, ende opten vieren en sal ick hem niet bekeeren) Daeromme want hy verworpen heeft die wet des HEREN, ⁺ ende en heeft niet bewaert zijn ^* gheboden) Want ^* zijn afgoden) hebben hem bedroegen, ⁺ nae den welcken haer vaders ghegaen zijn.

* th. Ic sal iuda .iij. scalcheden vergeuen na de .iiij en sal ick hem nemmermeer opnemen

+ B

* th. zeden.

* th. haer luegenen

+ B

5

Ende ic sal een vier seynden in Iudam, ende het sal verslinden die ^* huysen) te Ierusalem.

* th. pallaysen

6

Dit seyt die HERE. ^* Opten drie sonden van Israel, ende opten vieren so en sal ic hem nyet bekeeren) Daerom want hy vercocht heeft den rechtuaerdighen om siluer, ende den ar-[kolom]men om schoenen.

* th. ic sal israel .iij scalcheden vergeuen na die vierde en sal ick hem nymmermeer opnemen.

7

Die tsamen wriuen die hoofden der armen op dat stof der aerden, ende si ^* wijken vanden wech der ootmoedigen) Ende die sone ende vader zijn gegaen tot een ionghe deerne om dat si ^* besmetten) souden mine heyligen name.

* th. wisen den ellendigen neuen hen

* th. onteeren.

8

Ende op die cleederen die si te pande hadden, hebben si ^* nedegeseten) bi alle outaren, ⁺ Ende hebben ghedroncken den wijn der ^* verdoemder) inden huyse haers Gods. ⁺

* th. hen wtgestrect.

+ C

* th. gestraft

+ Num. iij.b.

9

Maer ic heb verdreuen van haer aensicht den Amorrite, wiens hoocheit was als die hoochheyt der Cederboomen, ende hi was sterck als die eycken boom. Ende ic heb tsamen ghebroken zijn vrucht van bouen, ende zijn wortelen van onder.

10

Ic ben die v heb doen opclimmen vanden lande van Egipten, ⁺ ende heb v geleyt in die woestine veertich iaren, op dat ghi besitten soudt dat landt der Amorriten.

+ D

11

Ende ic heb verwect kinderen uwe sonen tot propheten, ende van uwe ionghelingen Nazareen. Ende ist niet also? ghi sonen van Israel seyt die HERE?

12

Ende ghi scenctet den Nazareen wijn, Ende den propheten hebdi gheboden seggende, En propheteert niet,

13

Siet ic sal kerren onder v als een wagen geladen met ^* hoy) kerret.

* th. schoouen.

14

Ende de vluchte sal vergaen vanden snellen, ende die stercke en sal niet behouden zijn cracht, ende die vrome en sal niet moghen verlossen zijn ^* siele)

* th. leuen.

15

Ende die den boge houdt en sal niet staen, ende dye snelle van voeten en sal niet behouden worden. Ende de paertrider en sal niet behouden zijn ^* siele)

* the. leuen.

16

ende die stercke van herten onder den stercken, sal ^* naect vlieden) in dien dage, seyt die HEERE.

* the. nauwe naeckt mogen ontulien.

§ Van dat oordel Gods, ende van die straffinge der menschen sonden, Ende bisonder die heymelike verborghen afgoderie.